06:29, 23 - قاڭتار 2020 | GMT +6
بۇركىتشىلەر اراسىندا «جايىق قىرانى - 2020» تۋرنيرى وتەدى
نۇر- سۇلتان. قازاقپارات - 24-26 - قاڭتار ارالىعىندا باتىس قازاقستان وبلىسىنىڭ تەرەكتى اۋدانى، سارى ءومىر اۋىلىندا بۇركىتشىلەر اراسىندا «جايىق قىرانى - 2020» رەسپۋبليكالىق تۋرنيرى وتەدى.
بۇل تۋرالى ق ر مادەنيەت جانە سپورت مينيسترلىگىنىڭ رەسمي سايتى حابارلادى.
ونداعى مالىمەتتەرگە قاراعاندا، بايقاۋعا ەلىمىزدىڭ ءار ءوڭىرىنىڭ بۇركىتشىلەرى جينالادى. قانسونار - قازاق حالقى ءۇشىن بۇرىننان كەلە جاتقان اڭشىلىق ءداستۇر.
رەسپۋبليكالىق تۋرنيردىڭ ماقساتى - ۇلتتىق سپورت ءتۇرىن ناسيحاتتاۋ، ىشكى تۋريزمدى دامىتۋ، اڭشىلىق سالت- داستۇرلەرىمىزدى جاڭعىرتۋ.
بۇل تۋرنير 2018 -جىلدان بەرى «عىلىمي زەرتتەۋلەرگە كومەكتەسۋ قورى» جەكە قورىنىڭ ۇيىمداستىرۋىمەن وتكىزىلىپ كەلەدى. وتكەن جىلى بۇركىتشىلەر ونەرىن تاماشالاۋ ءۇشىن ەلىمىزدىڭ تۇكپىر- تۇكپىرىنەن جانە رەسەيدىڭ سامارا، تولياتتي، ۋليانوۆسك، پەرم وڭىرلەرىنەن تۋريستەر كەلگەن بولاتىن.
ەڭ ۇزدىك بۇركىتشىنى انىقتايتىن جارىستىڭ جالپى جۇلدە قورى 1.5 ميلليون تەڭگە.