اسقار مامين 2020 -جىلى ءىرى اۆتوجول جوبالارىن اياقتاۋدى تاپسىردى

None
None
نۇر- سۇلتان. قازاقپارات – ق ر پرەمەر- ءمينيسترى ا. مامين 2020 -جىلى ءىرى اۆتوجول جوبالارىن ىسكە اسىرۋدى اياقتاۋدى تاپسىردى، دەپ جازادى primeminister.kz.

ق ر پرەمەر- ءمينيسترى اسقار ءماميننىڭ توراعالىعىمەن 2020-2025 -جىلدارعا ارنالعان «نۇرلى جول» مەملەكەتتىك باعدارلاماسى اياسىندا اۆتوجول سالاسىن دامىتۋ جونىندە كەڭەس ءوتتى.

2019 -جىلى رەسپۋبليكالىق ماڭىزى بار 4,4 مىڭ شاقىرىم اۆتوجول سالىندى جانە رەكونسترۋكتسيالاندى. جىل قورىتىندىسى بويىنشا 641 شاقىرىم جولدا قوزعالىس اشىلدى. 1,1 مىڭ شاقىرىم رەسپۋبليكالىق ماڭىزى بار جانە 3,5 مىڭ شاقىرىم جەرگىلىكتى جەلىلەردەگى اۆتوجولعا كۇردەلى جانە ورتاشا جوندەۋ جۇمىستارى جۇرگىزىلدى. جاقسى جانە قاناعاتتانارلىق جاعدايداعى رەسپۋبليكالىق ماڭىزى بار اۆتوجولداردىڭ ۇلەسى %88- عا، جەرگىلىكتى ماڭىزى بار جولدار %71- عا جەتكىزىلدى. رەسپۋبليكالىق ماڭىزى بار 1 جانە Ⅱ تەحنيكالىق ساناتتاعى جولداردىڭ ۇزىندىعى 34%- عا (8,2 مىڭ شاقىرىمعا) دەيىن ارتتىرىلدى.

اۆتوجول سالاسىنىڭ 2020 -جىلعا ارنالعان بيۋدجەتى 750 ميلليارد تەڭگەنى قۇرايدى، رەسپۋبليكالىق جانە جەرگىلىكتى ماڭىزى بار 9,8 مىڭ شاقىرىم اۆتوجول جوندەۋ جۇمىستارىمەن قامتىلادى. قۇرىلىس جۇمىستارىمەن 4 مىڭ شاقىرىم اۆتوجول قامتىلادى.

جىل قورىتىندىسى بويىنشا جالپى ۇزىندىعى 2,6 مىڭ شاقىرىم اۆتوجول ۋچاسكەلەرىندە قوزعالىستى اشۋ جوسپارلانۋدا، سونىڭ ىشىندە تالدىقورعان - وسكەمەن (763 ك م)، قاراعاندى - بالقاش - قاپشاعاي (645 ك م)، قالباتاۋ - مايقاپشاعاي (415 ك م)، مەركى - بۋرىلبايتال (266 ك م)، اقتوبە - اتىراۋ - استراحان (279 ك م) جانە باسقالار.

رەسپۋبليكالىق جانە جەرگىلىكتى جەلىنىڭ جول- قۇرىلىس جۇمىستارىنا بارلىعى 100 مىڭعا جۋىق ادام جۇمىلدىرىلاتىن بولادى، «ا» ساناتىنداعى جول بويىنداعى سەرۆيستىڭ 18 كوپ فۋنكتسيونالدى كەشەنىن سالۋ ءۇشىن ينۆەستيتسيالار تارتۋ، 304 سانيتارلىق- گيگيەنالىق توراپتى سالۋ جانە قىزمەت كورسەتۋ جوسپارلانعان.

«بيىل اۆتوموبيل جولدارىن سالۋ بويىنشا اۋقىمدى جۇمىس كولەمىن اتقارۋ قاجەت. العا قويىلعان مىندەتتەردى ۋاقىتىلى ءارى ساپالى ورىنداۋ جانە جىل سوڭىنا دەيىن اۆتوموبيل جولدارىن جاڭعىرتۋدىڭ نەگىزگى جوبالارى بويىنشا قوزعالىستى قامتاماسىز ەتۋ ماقساتىندا قۇرىلىس ماۋسىمىنا الدىن- الا دايىندالۋ كەرەك»، - دەدى ۇكىمەت باسشىسى.


سوڭعى جاڭالىقتار