+7 (701) 759 90 19
-7 °С : نۇر-سۇلتان
1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

بالا كۇتىمىنە ارنالعان جاردەماقى مولشەرى 2020-جىلى قانداي بولادى؟

20 جەلتوقسان 03:00
:ءبولىسۋ
بالا كۇتىمىنە ارنالعان جاردەماقى مولشەرى 2020-جىلى قانداي بولادى؟

نۇر-سۇلتان. قازاقپارات - 2020-جىلدان باستاپ بالا تۋۋىنا بايلانىستى ءبىرجولعى جاردەماقى كولەمىنىڭ دەڭگەيى ناقتىلاندى، دەپ حابارلايدى قازاقپارات ءتىلشىسى.

«بالا تۋۋىنا بايلانىستى ءبىرجولعى جاردەماقى كوبەيەدى، ياعني ءبىرىنشى، ەكىنشى جانە ءۇشىنشى بالاعا - 100776 تەڭگەگە دەيىن (38 ا ە ك)، ءتورتىنشىسى ءۇشىن - 167076 تەڭگەگە دەيىن (63 ا ە ك)»، - دەپ اتالىپ وتكەن ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىندە.

سونىمەن قاتار، جۇمىس ىستەمەيتىن ايەلدەر ءۇشىن ءبىر جاسقا دەيىنگى بالانى كۇتۋگە اي سايىنعى جاردەماقى: ءبىرىنشى بالاعا - 15276 تەڭگەنى (5,76 ا ە ك)، ەكىنشى بالاعا - 18061 تەڭگەنى (6,81 ا ە ك)، ءۇشىنشى بالاعا - 20819 تەڭگە (7,85 ا ە ك)، ءتورتىنشى جانە ودان كەيىنگى بالالارعا - 23603 تەڭگەنى (8,9 ا ە ك) قۇرايدى.

«التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ناگرادتالعان كوپبالالى انالارعا تولەنەتىن اي سايىنعى مەملەكەتتىك جاردەماقى تابىسىنا قاراماستان تولەنەدى. ونىڭ مولشەرى 16973 تەڭگەنى قۇرايدى.

«مۇگەدەك بالانى كامەلەتتىك جاسقا دەيىن تاربيەلەپ وتىرعان اناسىنا نەمەسە اكەسىنە، اسىراپ الۋشىسىنا، قامقورشىسىنا (قورعانشىسىنا) تاعايىندالعان جانە تولەنەتىن جاردەماقى مولشەرى 2020-جىلعى 1- قاڭتاردان باستاپ 43657 تەڭگەنى قۇرايدى (1,4 ە ت ك د). وسىنداي مولشەردە بالا كەزىنەن ءبىرىنشى توپتاعى مۇگەدەك بالانى كۇتۋ بويىنشا جاردەماقى تولەنەدى»، - دەلىنگەن مينيسترلىكتىڭ اقپاراتىندا.

ەسكە سالا كەتەيىك، 2020-جىلدان باستاپ 4 جانە ودان دا كوپ كامەلەتكە تولماعان بالالارى بار نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنتتەرى بار وتباسىلارعا جاڭا مەملەكەتتىك جاردەماقى ەنگىزۋ جوسپارلانىپ وتىر. بۇل جاردەماقى وتباسىنىڭ تابىسىنا قاراماستان سارالانعان مولشەردە تاعايىندالادى: 4 بالاعا - 42496 تەڭگە؛ 5 بالاعا - 53127 تەڭگە؛ 6 بالاعا - 63757 تەڭگە؛ 7 جانە ودان دا كوپ بالاعا - 74388 تەڭگە.

بۇدان بۇرىن حابارلانعانداي، 2020-جىلعى 1- قاڭتاردان باستاپ ىنتىماقتى زەينەتاقى 7 پايىزعا وسەدى، بۇل رەتتە ونىڭ ەڭ تومەنگى مولشەرى 38636 تەڭگەنى قۇرايدى. مەملەكەتتىك بازالىق زەينەتاقى تولەمى 5 پايىزعا ۇلعايادى، ونىڭ ەڭ تومەنگى مولشەرى 16839 تەڭگە بولادى.


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات