زەينەتاقى 2020-جىلى قانداي دەڭگەيدە بولادى؟

نۇر-سۇلتان. قازاقپارات - 2020-جىلدان باستاپ زەينەتاقى، الەۋمەتتىك تولەمدەر جانە جاردەماقىلار كولەمى وسەدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«2020 -2022-جىلدارعا ارنالعان رەسپۋبليكالىق بيۋجەت تۋرالى» زاڭعا سايكەس، قازاقستاندا 2020-جىلعى 1- قاڭتاردان باستاپ زەينەتاقى، الەۋمەتتىك تولەمدەر جانە جاردەماقىلار ارتاتىن بولادى. ەڭ تومەنگى جالاقى مولشەرى بۇرىنعى دەڭگەيدە قالادى جانە 42500 تەڭگەنى قۇرايدى»، - دەلىنگەن مينيسترلىك مالىمەتىندە.

بەلگىلى بولعانداي، ەڭ تومەنگى كۇنكورىس دەڭگەيى 1500 تەڭگەگە ارتىپ، 31183 تەڭگەنى قۇرايدى.

«2020-جىلعى 1- قاڭتاردان باستاپ ىنتىماقتى زەينەتاقى 7 پايىزعا وسەدى، بۇل رەتتە ونىڭ ەڭ تومەنگى مولشەرى 38636 تەڭگەنى قۇرايدى. مەملەكەتتىك بازالىق زەينەتاقى تولەمى 5 پايىزعا ۇلعايادى، ونىڭ ەڭ تومەنگى مولشەرى 16839 تەڭگە بولادى»، - دەپ اتالىپ وتكەن ۆەدومستۆو حابارلاماسىندا.