+7 (701) 759 90 19
11 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتىلىق قۇسبەگى «قانسونار-2020» تۋرنيرىنىڭ باس جۇلدەسىن جەڭىپ الدى

13 جەلتوقسان 21:06
:ءبولىسۋ
الماتىلىق قۇسبەگى «قانسونار-2020» تۋرنيرىنىڭ باس جۇلدەسىن جەڭىپ الدى

كوكشەتاۋ. قازاقپارات - الماتىلىق قۇسبەگى «قانسونار-2020» تۋرنيرىنىڭ باس جۇلدەسى «نيۆا» اۆتوكولىگىن جەڭىپ الدى، دەپ حابارلايدى قازاقپارات ءتىلشىسى.

ەسكە سالا كەتەيىك، وسىعان دەيىن حابارلاعانىمىزداي، بۋرابايدا قازاقستان، ماجارستان، موڭعوليا، قىرعىزستان جانە رەسەي ەلدەرىنەن كەلگەن 45 ساياتشىنىڭ قاتىسۋىمەن «قانسونار-2020» حالىقارالىق تۋرنيرى ۇيىمداستىرىلدى.

قازاقستان رەسپۋبليكاسى تاۋەلسىزدىگىنىڭ 28 جىلدىعى جانە اتاقتى بۇركىتشى ءماسىپ باتىرحانوۆتى ەسكە الۋعا ارنالعان تۋرنير «بۇركىتپەن اڭ اۋلاۋ»، «سۇڭقارمەن اڭ اۋلاۋ» جانە «قارشىعامەن اڭ اۋلاۋ» سياقتى ءۇش باعىتتا ءوربىدى. الدىمەن جاس بالالار سۇڭقار مەن قارشىعانى قولعا قوندىرسا، ۇلكەندەر بۇركىتپەن اڭ اۋلاپ، ءوزارا باق سىناستى.

اتادان مۇرا بولىپ قالعان بۇل ۇلتتىق سپورت دوداسىندا باق سىناسقان ساياتشىلاردىڭ اراسىندا وسىعان دەيىنگى جارىستاردا تالاي مارتە جەڭىسكە جەتكەن، ۇلتتىق ونەردى ۇلىقتاۋعا ءوزىنىڭ ۇلەسىن قوسىپ كەلە جاتقان ءبىرجان سال اۋدانىنان كەلگەن قانات شۇلەنبايەۆ پەن ابىلاي ءىزباسوۆ جانە كوكشەتاۋلىق رۋسلان تيمۋرزين سياقتى تاجىربيەلى قۇسبەگىلەر جاستارعا وسى ءبىر ىسىمەن ۇلگى-ونەگە كورسەتە ءبىلدى.

جارىس قورىتىندىسى بويىنشا الماتى وبلىسىنان كەلگەن قۇسبەگى سەيىتجان الماس ەڭ ۇزدىك تانىلىپ، تۋرنيردىڭ باس جۇلدەسى - «نيۆا» اۆتوكولىگىن يەلەندى. ەكىنشى ورىن نۇر-سۇلتان قالاسىنان كەلگەن كۇنتۋعان سەرىكبەككە، ءۇشىنشى ورىن جامبىل وبلىسىنىڭ بۇركىتشىسى ايازبەك نۇرتورەگە بەرىلدى.

ال، قارشىعا سالۋدا جۇلدەلى ءبىرىنشى جامبىل وبلىسىنىڭ قۇسبەگى باباجان بەرىكبولسىن السا، ەكىنشى جانە ءۇشىنشى ورىنداردى الماتى وبلىسىنىڭ سپورتشىسى بايەتباي ءومىرحان مەن ەلوردالىق ەراسىل سەرىكبەك ۇلى ءوزارا ءبولىستى. سۇڭقار باپتاعان ساياتشىلار اراسىندا الماتى وبلىسىنىڭ قۇسبەگى ەرلان كەنجەتايەۆ ءبىرىنشى، جەرلەسىمىز مەدەت ءشالىپوۆ ەكىنشى، اتىراۋلىق ارمان قوشقاروۆ ءۇشىنشى ورىنعا لايىق دەپ تانىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات