ستۋدەنتتەر 2020 -جىلدان باستاپ قانشا شاكىرتاقى الادى؟
«2020 -جىلدىڭ قاڭتارىنان باستاپ ورتا بۋىن ماماندارىنىڭ شاكىرتاقىسى 16759 تەڭگەدەن 20948 تەڭگەگە دەيىن، ال جوعارىلاتىلعان شاكىرتاقى 19272 تەڭگەدەن 24090 تەڭگەگە وسەدى. سونداي- اق كەلەسى جىلدىڭ قاڭتارىنان باكالاۆريات ستۋدەنتتەرىنىڭ شاكىرتاقىسى 20949 تەڭگەدەن 26186 تەڭگەگە، ماگيستراتۋراداعى شاكىرتاقى 53530 تەڭگەدەن 66913 تەڭگەگە وسسە، دوكتورانتۋرادا وقيتىنداردىڭ شاكىرتاقىسى 81998 تەڭگەدەن 102498 تەڭگەگە وسەدى»، - دەدى ءبىلىم جانە عىلىم مينيسترلىگىندەگىلەر.
ەسكە سالايىق، مۇنىڭ الدىندا پرەزيدەنت قاسىم- جومارت توقايەۆ قازاقستاندىق ستۋدەنتتەردىڭ شاكىرتاقىسىن ءوسىرۋدى تاپسىرعان بولاتىن.
«بۇگىندە وزەكتى ماسەلەلەردىڭ ءبىرى ج و و ستۋدەنتتەردىڭ شاكىرتاقىسىن ءوسىرۋ ەكەنىن بىلەمىن. بۇل ماسەلە سول كۇيى نازاردان تىس قالدى، 2016 -جىلدان بەرى شاكىرتاقى وسكەن جوق. وعان سەبەپتەر بار. سوندىقتان دا ستۋدەنتتەردى قولداۋ ماقساتىندا 2020 -جىلدىڭ 1 - قاڭتارىنان باستاپ باكالاۆريات، ماگيستراتۋرا جانە دوكتورانتۋرادا وقيتىن جالپى سانى 133 مىڭ ستۋدەنتتىڭ شاكىرتاقىسى 25 پايىزعا ءوسىرۋدى تاپسىرامىن»، - دەگەن ەدى پرەزيدەنت.
www.24.kz