گونكونگتا ۇستالعان قازاق ستۋدەنتىنىڭ سوتى 2020 -جىلدىڭ قاڭتارىندا وتەدى
«سوتىن كۇتىپ وتىرمىز. تەرگەۋ ءجۇرىپ جاتىر. سوتى كەلەسى جىلدىڭ قاڭتار ايىنىڭ ورتاسىنا جوسپارلانعان. وزدەرىڭىز بىلەتىندەي، ول جاقتا كوپ ادام ۇستالدى. ۋاقىتى كەلگەندە سوتى بولادى. سول سوتتا شەشىم قابىلدانادى. ادۆوكات تاپتىق، تۋىستارى گونكونگقا باردى. ولارمەن كەزدەسۋ وتكىزدىك. قۇقىقتىق كومەك كورسەتىپ جاتىرمىز» ، - دەدى ايبەك سمادياروۆ.
ەسكە سالا كەتسەك، گونكونگ قالاسىندا نارازىلار مەن پوليتسيا اراسىنداعى قاقتىعىس كەزىندە قازاقستان ازاماتى ۇستالعانى حابارلانعان بولاتىن.
«گونكونگ قالاسى پوليسياسىنىڭ قازاقستاندىق ديپلوماتتارعا ۇسىنعان اقپاراتىنا سايكەس، 18 -قاراشا كۇنى نارازىلىق تانىتۋشىلارمەن قاقتىعىس بارىسىندا قازاقستان ازاماتى، گونكونگ باپتيست ۋنيۆەرسيتەتىنىڭ ءبىرىنشى كۋرس ستۋدەنتى نۇكپي ءابىلقايىر ۇستالعان. كونسۋل ازاماتىمىزعا باردى، ونىڭ دەنساۋلىق جاي- كۇيى تۇراقتى، وڭ قولىنىڭ شىنتاعىندا ۇستاۋ كەزىندە قۇلاعان ساتتە العان ازداعان جاراقاتى بار. ۇستالۋ جاعدايىنا ەشقانداي شاعىمى جوق» ، - دەپ اتاپ وتكەن ەدى.