+7 (701) 759 90 19
-20 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقستان ەۋرو-2020 ىرىكتەۋ كەزەڭىنىڭ سوڭعى ماتچىندا جەڭىلىس تاپتى

20 قاراشا 08:09
:ءبولىسۋ
قازاقستان ەۋرو-2020 ىرىكتەۋ كەزەڭىنىڭ سوڭعى ماتچىندا جەڭىلىس تاپتى

گلازگو. قازاقپارات - فۋتبولدان قازاقستان قۇراماسى ەۋروپا چەمپيوناتى-2020 ىرىكتەۋ كەزەڭىنىڭ سوڭعى ماتچىندا سىرت الاڭدا شوتلانديادان جەڭىلدى.

بۇل تۋرالى قازاقپارات ق ر فۋتبول فەدەراتسياسىنا سىلتەمە جاساپ حابارلايدى.

ق ر قۇراماسىن گلازگو قالاسىندا شوتلانديا قۇراماسىمەن اۋىر ماتچ كۇتتى. كەزدەسۋدى تۋرنيرلىك كەستەدەگى ءۇشىنشى ورىن ءۇشىن تارتىس دەپ ايتۋعا بولار ەدى. بەلگيا مەن رەسەي قۇرامالارىنان كەيىنگى ءۇشىنشى ساتىعا ورنالاسۋ ءۇشىن قازاقستاندىقتارعا شوتلانديا وكىلدەرىن ءوز الاڭىندا جەڭۋ قاجەت بولدى.


ماتچتىڭ العاشقى 30- مينۋتىندا كوماندا قاقپالارى الدىندا ايتارلىقتاي شيەلەنىستى ساتتەر بولمادى. 34-مينۋتتا باكتيەر زاينۋتدينوۆتىڭ گولىنىڭ ارقاسىندا قازاقستان ەسەپ اشتى. ارتىنشا، قۇرامامىزدىڭ گولكيپەرى دميتري نەپوگودوۆ كوماندامىزدى بىرنەشە جاۋاپتى گولدان قۇتقارىپ قالدى.


ەكىنشى تايمنىڭ باسىندا شوتلانديا ايىپ الاڭىنان گول سوعىپ، ەسەپتى تەڭەستىردى. كوپ ۇزاماي الاڭ يەلەرى ەكىنشى دوپتى قاقپامىزعا ءدوپ ءتۇسىردى.


قالعان ۋاقىتتا ميحايل بيلەك ماتچ بارىسىن ويىنشىلاردى اۋىستىرۋ جولىمەن وزگەرتپەك بولدى. الاڭعا ماكسيم فەدين مەن يسلامبەك قۋات شىقتى. ءبىراق شوتلاندىقتار ەسەپتى تەڭەستىرۋگە جول بەرمەدى.


نەگىزگى ۋاقىتقا قوسىلعان مينۋتتاردا دجون ماكگينن ەكىنشى گولىن راسىمدەپ، كەزدەسۋ قورىتىندىسىن شىعاردى، ەسەپ - 3:1.

وسىلايشا، قازاقستان قۇراماسى ىرىكتەۋ تسيكلىندا 10 ۇپاي جيناپ، ون جىل بۇرىنعى رەكوردىن قايتالادى. قۇرامامىز بالى كيپرمەن تەڭ، ءبىراق قازان ايىندا ءوز الاڭىندا جەڭىلىس تاپقاندىقتان، توپتاعى ءتورتىنشى ورىننان ايىرىلىپ قالدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات