دارىگەرلەر مەن مەدبيكەلەردىڭ جالاقىسى 2020-جىلى قانشاعا وسەدى؟

نۇر-سۇلتان. قازاقپارات - دەنساۋلىق ساقتاۋ ءمينيسترى ەلجان ءبىرتانوۆ 2020-جىلى دارىگەرلەردىڭ جالاقىسى قانشاعا وسەتىنى تۋرالى ايتتى، دەپ حابارلايدى قازاقپارات ءتىلشىسى.

«ەلباسىنىڭ «الەۋمەتتىك قامقورلىق» شارالارىن ىسكە اسىرۋ شەڭبەرىندە وسى جىلدىڭ 1- ماۋسىمىنان باستاپ مەديتسينا قىزمەتكەرلەرىنىڭ جالاقىسى 30 پايىزعا ءوستى. جاڭا باعدارلاما شەڭبەرىندە 2025-جىلعا دەيىن مەديتسينالىق قىزمەتتەردىڭ تاريفتەرىن ءوسىرۋ ەسەبىنەن مەديتسينا قىزمەتكەرلەرىنىڭ جالاقىسىن ەكونوميكاداعى ورتاشا جالاقىدان 1 دەن 2,5 ەسە جوعارى ەتۋ كوزدەلگەن»، - دەدى ەلجان ءبىرتانوۆ پارلامەنت سەناتىندا وتكەن ۇكىمەت ساعاتىندا.

ءمينيستردىڭ ايتۋىنشا، 2020-جىلدىڭ 1- قاڭتارىنان باستاپ دارىگەرلەردىڭ جالاقىسىن 30 پايىزعا، مەيىربيكەلەردىڭ جالاقىسىن 20 پايىزعا ۇلعايتۋ ۇسىنىستارى قولداۋ تاپقان.