قازاقستان قۇراماسى ەۋرو-2020 عا بارۋ مۇمكىندىگىنەن ايىرىلدى

نۇر-سۇلتان. قازاقپارات - فۋتبولدان قازاقستان قۇراماسى 2020 -جىلعى ەۋروپا چەمپيوناتىنا بارۋ مۇمكىندىگىنەن تولىقتاي ايىرىلدى، دەپ حابارلايدى قازاقپارات Sports.kz-كە سىلتەمە جاساپ.

I توبىنداعى كوماندالاردىڭ رەتى جەتىنشى تۋردان كەيىن بىلاي: بەلگيادا 21 ۇپاي، رەسەيدە 18، كيپردە 10، قازاقستاندا 7، شوتلانديادا 6 ۇپاي، ال سان-مارينودا ۇپاي جوق.

ەرەجە بويىنشا، ءار توپتان جوعارعى ورىنداردى العان ەكى كوماندا قۇرلىق چەمپيوناتىنىڭ فينالدىق كەزەڭىنە بارادى. قازاقستان قازىردىڭ وزىندە ەكىنشى ورىنداعى رەسەيدەن 11 ۇپاي ارتتا. ىرىكتەۋ كەزەڭىنىڭ قالعان ءۇش ماتچىندا قازاقستان ەڭ كوبى 9 ۇپاي جيناۋى مۇمكىن.

ىرىكتەۋ كەزەڭىنىڭ اياعىنا دەيىن قازاقستان بەلگيامەن (13 -قازان)، سان- مارينومەن (16 -قاراشا) جانە شوتلانديامەن (19 -قاراشا) وينايدى.

ەسكە سالا كەتسەك، كەشە قازاقستان ءوز الاڭىندا كيپردەن جەڭىلىپ قالدى.