17:07, 24 - قىركۇيەك 2019 | GMT +6
ەلىمىزدە 2020 -جىلى ەڭ تومەنگى جالاقى مەن زەينەتاقى كولەمى قالاي وزگەرەدى؟
نۇر-سۇلتان. قازاقپارات – قازاقستان ۇكىمەتى «2020-2022-جىلدارعا ارنالعان رەسپۋبليكالىق بيۋجەت تۋرالى» زاڭ جوباسىن بەكىتتى.
كەلەسى جىلدىڭ ءبىرىنشى قاڭتارىنان باستاپ كەيبىر تولەمدەردىڭ كولەمى وزگەرەتىن بولدى دەپ جازادى Sputnik قازاقستان.
قازاقستاندا 2020-جىلى ەڭ تومەنگى جالاقى كولەمى 42500 تەڭگەنى قۇرايدى. بۇل كورسەتكىش وزگەرىسسىز قالادى.
مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى ازداپ وسەدى. تولەم سوماسى 16839 تەڭگەنى قۇرايدى، بۇل قازىرگى كورسەتكىشتەن 802 تەڭگەگە كوپ.
زەينەتاقىنىڭ ەڭ تومەنگى مولشەرى 38636 تەڭگەگە دەيىن ارتادى، قازىر بۇل كورسەتكىش 36108 تەڭگەنى قۇرايدى.
ايلىق ەسەپتىك كورسەتكىش 126 تەڭگەگە ءوسىپ، 2651 تەڭگە بولادى.
نەگىزگى الەۋمەتتىك تولەمدەردىڭ مولشەرىن ەسەپتەۋ ءۇشىن ءومىر ءسۇرۋ قۇنى دا ارتادى. قازىر بۇل كورسەتكىش 29698 تەڭگەنى قۇرايدى. 2020-جىلدىڭ 1- قاڭتارىنان باستاپ بۇل كورسەتكىش 31183 تەڭگەنى قۇرايدى.