جەرگىلىكتى بيۋجەتتەرگە 2020-جىلدان باستاپ بيزنەستەن تۇسەتىن كورپوراتيۆتىك تابىس سالىعى بەرىلەدى
«2020-2022 -جىلدارعا ارنالعان جالپى سيپاتتاعى ترانسفەرتتەر تۋرالى زاڭ جوباسى بيۋجەت كودەكسىنىڭ 45-بابىنا سايكەس، اعىمداعى جىلى 2017-2019-جىلدارعا ارنالعان ترانسفەرتتەر تۋرالى زاڭنىڭ قولدانىسى اياقتالۋىنا بايلانىستى ازىرلەندى. جالپى سيپاتتاعى ترانسفەرتتەر وڭىرلەردىڭ بيۋدجەتتىك قامتاماسىز ەتىلۋىن تەڭەستىرۋگە جانە وڭىرلىك ەكونوميكانى دامىتۋعا جەرگىلىكتى اتقارۋشى ورگانداردىڭ ىنتاسىن ارتتىرۋعا باعىتتالعان. ترانسفەرتتەردىڭ كولەمى ادىستەمەگە سايكەس ەسەپتەلدى»، - دەدى ق ر ۇلتتىق ەكونوميكا ۆيتسە-ءمينيسترى ءمادي تاكيەۆ.
وسى ورايدا ول 2020-2022-جىلدارعا ارنالعان جالپى سيپاتتاعى ترانسفەرتتەردى ەسەپتەۋدىڭ ەرەكشەلىكتەرىنە توقتالدى.
«بىرىنشىدەن، جەرگىلىكتى اتقارۋشى ورگانداردى شاعىن جانە ورتا بيزنەستى دامىتۋعا ىنتالاندىرۋ. ول ءۇشىن شاعىن جانە ورتا بيزنەستەن تۇسەتىن كورپوراتيۆتىك تابىس سالىعىن 2020-جىلدان باستاپ جەرگىلىكتى بيۋجەتتەرگە بەرۋ قاراستىرىلدى (2020-جىلى 403 ميلليارد تەڭگە). ەكىنشىدەن، وڭىرلەردىڭ ەرەكشەلىكتەرىن ەسكەرۋ. ول ءۇشىن جاڭا كوەففيتسەنتتەر ەنگىزىلدى. بۇل مەكتەپتەر شاعىن جيناقتىلىعى، اۋىل شارۋاشىلىعىنىڭ الەۋەتتى ونىمدەرىنىڭ كولەمى، اۋماق اۋدانى، تۇرعىن ءۇي سانى، ءوڭىردىڭ جالپى وڭىرلىك ونىمىندە شاعىن جانە ورتا بيزنەستىڭ ۇلەسى»، - دەدى ۆيتسە-مينيستر.
مۇنىمەن قوسا ول جەرگىلىكتى كىرىستەردىڭ ءوسۋ الەۋەتىنە توقتالا كەلە، دامۋ بيۋجەتىنە ەكى جاڭا كومپونەنت ەنگىزىلگەنىن اتاپ ءوتتى.
«جەرگىلىكتى بيۋجەتتەردىڭ كىرىستەرى وسكەن جاعدايدا، دامۋ بيۋجەتى ۇلعايادى. ءۇشجىلدىق كەزەڭدە جالپى وڭىرلىك ءونىمنىڭ ءوسۋى جىلدامداعان جاعدايدا سۋبۆەنتسيالى وڭىرلەر قوسىمشا كوەففيتسيەنت الادى. بۇرىن نىسانالى ترانسفەرتتەرمەن قارجىلاندىرىلعان شىعىستار جالپى سيپاتتاعى ترانسفەرتتەرگە بەرىلدى. بۇل 2020 -جىلى 635,8 ميلليارد تەڭگە، 2021-جىلى - 775,9 ميلليارد تەڭگە، 2022-جىلى - 909,7 ميلليارد تەڭگە. باياندالعاننىڭ نەگىزىندە جەرگىلىكتى بيۋجەتتەردىڭ جالپى شىعىستارىنىڭ كولەمى 2020-جىلى - 4,8 تريلليون تەڭگە، 2021-جىلى - 5,1 تريلليون تەڭگە، 2022-جىلى - 5,4 تريلليون تەڭگە كولەمىندە ايقىندالدى»، - دەدى ۇلتتىق ەكونوميكا مينيسترلىگى وكىلى.
ءمادي تاكيەۆتىڭ اتاپ وتۋىنشە، 2020-2022-جىلدارعا ون ءۇش سۋبۆەنتسيالى جانە ءتورت دونور-وڭىرلەر انىقتالدى. ال جەرگىلىكتى بيۋجەتتەردىڭ جالپى تۇسىمدەرىندە ترانسفەرتتەردىڭ ۇلەسى 2019-جىلى 60,3 پايىزدان 2020-جىلى 53,6 پايىزعا دەيىن جانە 2022-جىلى 49,3 پايىزعا دەيىن ازايادى.