ەۋرو-2020: قازاقستان رەسەيدەن سوڭعى مينۋتتاردا جەڭىلدى

None
None
نۇر-سۇلتان. قازاقپارات - كەشە فۋتبولدان ەۋروپا بىرىنشىلىگى ىرىكتەۋ كەزەڭىندەگى I توبىنداعى كەزەكتى ويىنىندا قازاقستان قۇراماسى سىرت الاڭدا، رەسەيدەگى كالينينگراد قالاسىندا كەزدەستى، دەپ حابارلايدى قازاقپارات ءتىلشىسى.

كەزدەسۋ بارىسىندا قازاقستان قۇراماسى ساپىندا العاشقى مينۋتتان دميتري نەپوگودوۆ، دميتري شومكو، تەمىرلان ەرلانوۆ، سەرگەي مالىي، الەكساندر ماروچكين، ابزال بەيسەبەكوۆ، ايبول ابىكەن، يۋري پەرتسۋح، گەورگي جۋكوۆ، ماكسيم فەدين، الەكسەي شەتكين شىقتى.

ال رەسەي قۇراماسى ساپىندا ماريناتو گيلەرمە، يۋري جيركوۆ، گەورگي دجيكيا، اندرەي سەمەنوۆ، ماريو فەرناندەس، ماگومەد وزدويەۆ، يلزات احمەتوۆ، انتون ميرانچۋك، دەنيس چەرىشيەۆ، الەكساندر گولوۆين، ارتەم دزيۋبا ويىن باسىنان جاسىل الاڭ تورىنەن كورىندى.

ءبىرىنشى كەزەڭدە ويىن تىزگىنى نەگىزىنەن رەسەي قۇراماسىندا بولدى. كەزدەسۋدىڭ باسىم بولىگىندە الاڭ يەلەرى شابۋىل ۇيىمداستىردى. اسىرەسە، العاشقى ون مينۋتتا ولار قازاقستاندىق قاقپا ماڭىن ءجيى تورۋىلدادى.

دەسە دە ءوز دەگەنىنە جەتە العان جوق. ءبىرىنشى كەزەڭدە دوپتى ۇستاپ ءجۇرۋ جونىنەن رەسەيدىڭ كورسەتكىشى 62 پايىزعا جەتسە، ول قازاقستان قۇراماسىندا 38 پايىزدى كورسەتتى. الاڭ يەلەرى قازاقستان قاقپاسىنا 11 سوققى باعىتتاسا، بىزدەن نەبارى ءۇش-اق سوققى بولدى.

قازاقستان قۇراماسى نەگىزىنەن قورعانىستا ءجۇردى. سوعان قاراماستان ۇرىمتال ساتتەردە قارسى شابۋىلعا شىقتى. قازاقستاندىق قۇراما ساپىنان دميتري شومكو، الەكسەي شەتكين، ابزال بەيسەبەكوۆ، گريگوري جۋكوۆ سىندى فۋتبولشىلار بەلسەندى قيمىل كورسەتتى.

ەكىنشى كەزەڭدە دە الاڭ يەلەرى شابۋىلعا شىقتى. ويىن باسىنان گول سوعۋ مۇمكىندىگىن ىزدەدى. وعان قازاقستاندىق فۋتبولشىلار مۇمكىندىك بەرە قويعان جوق. كەيبىر جاعدايدا قازاقستاندىق قاقپاشى ابجىلدىك تانىتسا، ەندىگى ءبىر ساتتە قورعاۋشىلار سەنىمدى ويىن كورسەتتى.

ويىننىڭ 88-مينۋتىندا سول قاناتتان اۋەلەتە بەرگەن دوپتى رەسەيلىك قورعاۋشى ماريو فەرناندەس قازاقستان قاقپاسىنا باسپەن سوعىپ كەتتى. I توبىندا تاعى ەكى كەزدەسۋ وتكىزىلدى.

سىرت الاڭدا كيپر سان-مارينونى، بەلگيا شوتلانديانى 4:0 ەسەبىمەن جەڭدى. ەندى 7-تۋر ويىندارى 10- قازاندا وتكىزىلەدى.

بۇل تۋردا قازاقستان ءوز الاڭىندا كيپردى قابىلداسا، ءدال وسى كۇنى رەسەي مەن شوتلانديا، بەلگيا مەن سان-مارينو قۇرامالارى كەزدەسەدى.

سوڭعى جاڭالىقتار