توكيو-2020 وليمپيادا ويىندارىن اقپاراتتىق قولداۋ تۋرالى مەموراندۋمعا قول قويىلدى
ق ر اقپارات جانە قوعامدىق دامۋ مينيسترلىگى، ۇلتتىق وليمپيادا كوميتەتى قوعامدىق بىرلەستىگى جانە «قازاقستان رەسپۋبليكاسىنىڭ ۇلتتىق پاراليمپيادا كوميتەتى» قوعامدىق بىرلەستىگى اراسىندا توكيو-2020 وليمپيادا ويىندارى مەن توكيو-2020 پاراليمپيادا ويىندارى قارساڭىندا جانە ونىڭ بارىسىندا ىنتىماقتاستىق تۋرالى مەموراندۋمعا قول قويىلدى.
مەموراندۋمعا اقپارات جانە قوعامدىق دامۋ ۆيتسە-ءمينيسترى نۇرگۇل ماۋبەرلينوۆا جانە ق ر ۇلتتىق وليمپيادالىق كوميتەتىنىڭ باس حاتشىسى ساكەن مۇسايبەكوۆ، ۇلتتىق پاراليمپيادالىق كوميتەتىنىڭ اتقارۋشى ديرەكتورى ەرلان سۇلەيمەنوۆ قول قويدى.
مەموراندۋم اياسىنداعى ىنتىماقتاستىقتىڭ ماقساتى - توكيو-2020 وليمپياداسى مەن توكيو-2020 پاراليمپيادا ويىندارىنىڭ قارساڭىندا جانە بارىسىندا وليمپيادالىق جانە پاراليمپيادالىق قوزعالىس قاعيداتتارىن كەڭىنەن ناسيحاتتاۋ، قازاقستان رەسپۋبليكاسىنداعى جوعارى جەتىستىكتەر مەن بۇقارالىق سپورت تۇرلەرىن دامىتۋ.
نۇرگۇل ماۋبەرلينوۆا ءوزىنىڭ قۇتتىقتاۋ سوزىندە مەموراندۋمنىڭ جانە الداعى وليمپيادا ويىندارىنىڭ ماڭىزدىلىعىن اتاپ ءوتتى.
«وليمپيادا ويىندارى - بۇل ۇلكەن جاھاندىق مەرەكە. ول، ارينە، سپورتتى جانە سالاۋاتتى ءومىر سالتىن ناسيحاتتاۋعا ۇلكەن ۇلەس قوسىپ قانا قويمايدى، سونىمەن قاتار، وليمپيادالىق تريبۋنادان كوتەرىلگەن سپورتشىلاردىڭ ەلدەرىنە يميدجدىك ديۆيدەندتەر الىپ كەلەدى. وتاندىق سپورتشىلار بۇكىل الەمدى مويىنداتقان كەزدەر، قازاقستان تۋرالى ۇلكەن قۇرمەتپەن جازىلعان داڭقتى جازبالار ءالى ەسىمىزدە. سوندىقتان ءبىزدىڭ مينيسترلىك سپورتشىلارىمىزدىڭ ويىندارىن اقپاراتتىق قامتاماسىز ەتۋگە جانە ولاردىڭ وليمپيادا ليتسەنزيالارى ءۇشىن كۇرەسۋىنە ءاردايىم ءوز ۇلەسىن قوسادى»، - دەدى ول.
ءبىر جىل ۋاقىتتان كەيىن توكيودا جازعى وليمپيادا ويىندارى باستالادى. «ۇلتتىق وليمپيادالىق كوميتەتتىڭ پرەزيدەنتى تيمۋر اسقار ۇلى قۇلىبايەۆتىڭ تاپسىرماسى بويىنشا قازىرگى تاڭدا وليمپياداعا قىزۋ دايىندىق ءجۇرىپ جاتىر. سپورتشىلارىمىز ليتسەنزيالارىن الۋ ءۇشىن بارىن سالىپ جاتىر. ولاردىڭ جارىستارعا قاتىسىپ، جولدامالارعا كۇرەس بارىسىن حالىققا جەتكىزۋ ماڭىزدى. وسى ورايدا مينيسترلىكپەن اقپاراتتىق قولداۋ تۋرالى مەموراندۋمعا قول قويىپ وتىرعانىمىزعا وتە قۋانىشتىمىز»، - دەدى ساكەن مۇسايبەكوۆ.
ايتا كەتسەك، مۇنداي بىرلەسكەن جوبا العاش رەت جۇزەگە اسىرىلۋدا ەكەن.
«اقپارات جانە قوعامدىق دامۋ مينيسترلىگىنە قازاقستانداعى پاراليمپيادالىق قوزعالىستى حالىق اراسىندا كەڭىرەك تانىتىپ، پاراسپورتشىلارىمىزدىڭ بيىك جەتىستىكتەرىمەن ءبولىسىپ، تانىتۋ مۇمكىندىگى ءۇشىن ۇلكەن العىس بىلدىرەمىز. مۇنداي بىرلەسكەن جوبا العاش رەت جۇزەگە اسىرىلۋدا جانە وسىنداي دارەجەدەگى جوباعا ۇلتتىق پاراليمپيادالىق كوميتەتتىڭ شاقىرىلعانىنا قۋانىشتىمىز. توكيودا وتەتىن پاراليمپيادالىق ويىنداردىڭ تەلەديدارلىق ترانسلياتسياسى بولارىنا ءۇمىتتىمىز، سەبەبى ءبىزدىڭ ەلىمىزدىڭ تاريحىندا ول بۇرىن سوڭدى بولماعان جاعداي»، - دەدى ۇلتتىق پاراليمپيادالىق كوميتەتىنىڭ ديرەكتورى ەرلان سۇلەيمەنوۆ.