ەۋرو-2020: قازاقستان قۇراماسىنىڭ قارسىلاستارى قالاي وينادى

نۇر-سۇلتان. قازاقپارات - بۇگىن فۋتبولدان 2020 -جىلعى ەۋروپا بىرىنشىلىگى ىرىكتەۋ كەزەڭىنىڭ I توبىنىڭ ءتورتىنشى تۋر ويىنىنداعى بارلىق كەزدەسۋ مارەسىنە جەتتى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەلىك، بۇگىن قازاقستان قۇراماسى ءوز الاڭىندا سان-مارينونى تىزە بۇكتىردى.

سونداي-اق، رەسەي ءوز الاڭىندا كيپر قۇراماسىن قابىلداعان ەدى. بۇل ويىندا ەسەپ 38-مينۋتتا الەكسەي يونوۆ اشتى. بۇدان كەيىن گول سوعىلعان جوق. رەسەي كيپردى 1:0 ەسەبىمەن جەڭدى.

ال توپ باسىندا كەلە جاتقان بەلگيا قۇراماسى شوتلانديانى 3:0 ەسەبىمەن جەڭدى. بەلگيا ساپىنان رومەلو لۋكاكۋ 45 جانە 57-مينۋتتاردا قارسىلاستارىن قاپى قالدىردى. ال 92-مينۋتتا كيەۆين دە برەينە قانجىعاسىن مايلاپ، قورىتىندى ەسەپتى بەلگىلەدى.

ءتورت تۋردان كەيىن بىردە- ءبىر ۇپايدى شاشاۋ شىعارماعان بەلگيا قۇراماسى كوش باستاپ كەلەدى. ودان كەيىنگى ورىندا 9 ۇپايمەن رەسەي قۇراماسى تۇر. بۇگىنگى جەڭىسىنەن كەيىن ءبىزدىڭ فۋتبولشىلار 6 ۇپايمەن ءۇشىنشى ورىنعا كوتەرىلدى. ءدال وسىنداي ۇپاي جيناعان شوتلانديا ءتورتىنشى ورىنعا تۇراقتادى. بەسىنشى ورىنداعى كيپردىڭ 3 ۇپايى بولسا، سان-مارينو ازىرگە بىردە-ءبىر ۇپايعا قول جەتكىزگەن جوق.

ەندى كەلەسى تۋر ويىندارى 6 قىركۇيەكتە وتكىزىلەدى. بۇل كۇنى سان-مارينو مەن بەلگيا، شوتلانديا مەن رەسەي، كيپر مەن قازاقستان قۇرامالارى كەزدەسەدى.