+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

ەۋرو-2020: قازاقستانمەن كەزدەسەتىن سان- مارينو قۇراماسىنىڭ الەۋەتى قانداي

11 ماۋسىم 16:02 638
:ءبولىسۋ
 ەۋرو-2020: قازاقستانمەن كەزدەسەتىن سان- مارينو قۇراماسىنىڭ الەۋەتى قانداي

قىزىلوردا. قازاقپارات - بۇگىن فۋتبولدان 2020 -جىلعى ەۋروپا بىرىنشىلىگى ىرىكتەۋ كەزەڭىندەگى I توبىندا ءتورتىنشى تۋر وتكىزىلەدى. قازاقستان قۇراماسى ءوز الاڭىندا سان- مارينونى قابىلدايدى، دەپ حابارلايدى قازاقپارات ءتىلشىسى.

ءبىزدىڭ جىگىتتەر بۇعان دەيىن ءوز توبىندا ءۇش ويىن وتكىزدى. الدىمەن ءوز الاڭىندا شوتلانديا قۇراماسىن 3:0 ەسەبىمەن تىزە بۇكتىردى. ودان كەيىن رەسەيدەن 0:4 ەسەبىمەن جەڭىلىپ قالدى. ال 8 -  ماۋسىمدا سىرت الاڭدا بەلگياعا 0:3 ەسەبىمەن جول بەردى. ال سان- مارينو بارلىق كەزدەسۋدە قارسىلاستارىنان ۇتىلدى. اتاپ ايتقاندا، كيپرگە 0:5، شوتلاندياعا 0:2، رەسەيگە 0:9 ەسەبىمەن ەسە جىبەردى.

سان- مارينو - الەمدەگى ەڭ شاعىن مەملەكەتتىڭ ءبىرى. بۇل ەل دۇنيە جۇزىندە جەر كولەمى جونىنەن 190-ورىندى يەلەنەدى. حالىق سانى - 33 مىڭنان استام. اتالمىش مەملەكەت يتاليانىڭ ورتاسىندا ورىن تەپكەن.

سان- مارينو فۋتبول فەدەراتسياسى 1931 -جىلى قۇرىلعان. دەگەنمەن، FIFA جانە UEFA قۇرامىنا 1988 -جىلى قابىلداندى. ولار - الەمدەگى ەڭ ءالسىز قۇرامانىڭ ءبىرى. FIFA- نىڭ سوڭعى رەيتينگىندە 211 قۇرامانىڭ اراسىندا ەڭ سوڭعى ورىندا تۇر. وسىنىڭ ءوزى ولاردىڭ الەۋەتى قانداي ەكەنىن ايقىنداي تۇسەدى.

سان- مارينو قۇراماسى بۇگىنگە دەيىن الەم چەمپيوناتى ىرىكتەۋ كەزەڭىندە بارلىعى 66 ويىن وتكىزدى. ناتيجەسىندە ەكى مارتە تەڭ ءتۇسىپ، قالعانىنىڭ بارلىعىندا قارسىلاسىنا ەسە جىبەردى. العاش رەت 1993 -جىلدىڭ 10 - ناۋرىزىندا ءوز الاڭىندا تۇركيامەن 0:0، ودان كەيىن 2001 -جىلدىڭ 25 - ساۋىرىندە سىرت الاڭدا لاتۆيامەن 1:1 ەسەبىمەن تەڭ ءتۇستى. قارسىلاستار قاقپاسىنا 11 مارتە گول سوعىپ، ءوز قاقپاسىنا 310 دوپ جىبەرىپ الدى. اتالمىش تۋرنيردە ولاردىڭ ەڭ ءىرى جەڭىلىسى رەتىندە 2001 -جىلدىڭ 28 - اقپانىندا سىرت الاڭداعى بەلگيامەن وتكەن ويىنداعى 1:10 ەسەبى تىركەلىپ وتىر.

سان- مارينو قۇراماسى ەۋروپا بىرىنشىلىگى ىرىكتەۋ كەزەڭىندە بارلىعى 69 ويىن وتكىزدى. ولار ءبىر مارتە ءوز الاڭىندا 2014 -جىلدىڭ 15- قاراشاسىندا ەستونيامەن 0:0 ەسەبىمەن تەڭ ءتۇسىپ، قالعانىنىڭ بارلىعىندا جەڭىلدى. بۇل تۋرنيردەگى ەڭ ءىرى جەڭىلىسىندە 2006 -جىلدىڭ 6 - قىركۇيەگىندە گەرمانيادان 0:13 ەسەبىمەن جول بەرگەن.

 سان- مارينو قۇراماسى ساپىنداعى فۋتبولشىلاردىڭ بارلىعى دەرلىك ءوز ەلىنىڭ بىرىنشىلىگىندە سىنعا تۇسەدى. سوڭعى جىلداردا اتالمىش مەملەكەتتە «لا فيوريتا» جانە «ترە پەننە» كوماندالارى جوعارى جەتىستىكتەرگە قول سوزىپ كەلەدى. قازىرگە دەيىنگى ۇزدىك ويىنشىلار قاتارىندا اندي سەلۆانى ايتۋعا بولادى. ول كەزىندە يتاليانىڭ «ەللاس ۆەرونا» كومانداسىنىڭ نامىسىن قورعاسا، قازىر ءوز ەلىنىڭ «لا فيوريتا» كلۋبىندا ويىن كورسەتەدى. سونداي- اق، قازىرگى كۇندەرى يتاليادا وينايتىن قاقپاشى ەليا بەنەدەتتيني («نوۆارا»)، لۋكا توزي. مارچەللو مۋلاروني مەن فابيو توماسسيني (ۇشەۋى دە «پەتراكۋتادان»)، السەسساندرو پولينۋچچي مەن ماتتەو ۆيتايولي (ەكەۋى دە «تروپيكال كوريانودان»)، لورەنتسو لۋنادەي («ريچچونە»). فيليپپو بەراردي («مونوپولي»)، نيكولا نانني («كروتونە») بار. دەگەنمەن، ولاردىڭ بارلىعى يتاليانىڭ تومەنگى ليگالارىندا ويىن كورسەتەدى.

ايتا كەتەرلىگى، قازاقستان قۇراماسى بۇگىنگە دەيىن ەۋروپا بىرىنشىلىگى ىرىكتەۋ كەزەڭىندە 37 ويىن وتكىزدى. ونىڭ 5- ءى ءبىزدىڭ پايدامىزعا شەشىلسە، 7- ءسى تەڭ ناتيجەمەن اياقتالدى. قالعان 25 كەزدەسۋدە قارسىلاستارعا ەسە جىبەرىپ قويدى.

قازاقستان مەن سان- مارينو قۇرامالارى بۇعان دەيىن بىردە- ءبىر مارتە كەزدەسىپ كورگەن جوق. سوندىقتان، بۇگىنگى ويىن ەكى قۇراما اراسىنداعى تاريحي ماتچ رەتىندە تىركەلەدى.

 اتالمىش كەزدەسۋ نۇر- سۇلتان ۋاقىتىمەن 19.50-دە باستالادى. ويىن QazSport تەلەارناسىنان تىكەلەي ەفيردە كورسەتىلەدى.

اۆتور: ءادىلجان ۇمبەت


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات