توكيودا 2020-جىلعى وليمپيادا ويىندارىنىڭ رەسمي تاليسماندارى تانىستىرىلدى
وليمپيادا ويىندارىنىڭ تاليسمانىنا «ميرايتوۆا» دەگەن ات بەرىلدى. ميرايتوۆا - اق- كوك ءتۇستى شارشىلارعا بويالعان، قيالدان تۋعان جاندىك. بۇل اتاۋ جاپوننىڭ «بولاشاق» جانە «ماڭگىلىك» دەگەن ماعىنالاردى بەرەتىن «ميراي» جانە «توۆا» سوزدەرىنەن الىنعان.
ال ونىڭ اق-القىزىل ءتۇستى سەرىگى - سومەيتي 2020-جىلعى پاراليمپيادا ويىندارىنىڭ تاليسمانىنا اينالدى. «سومەيتي» ءسوزى ساكۋرا وسىمدىگىنىڭ ايگىلى سۇرپىنان الىنعان ءارى ول اعىلشىننىڭ «so mighty» (اسا قۋاتتى) سوزىمەن اۋەندەس كەلەدى.
تاليسمانداردىڭ اۆتورى - جالپى ۇلتتىق بايقاۋدا جەڭىسكە جەتكەن يلليۋستراتور ريو تانيگۋتي. بايقاۋدىڭ قورىتىندالىرا جاپونياداعى باستاۋىش سىنىپ وقۋشىلارىنىڭ اراسىندا جۇرگىزىلگەن ساۋالناما ارقىلى انىقتالدى.
ۇيىمداستىرۋشىلاردىڭ ايتۋىنشا، اتالعان فۋتۋريستىك پەرسوناجداردا داستۇرلىلىك پەن جاڭاشىلدىق ۇيلەسىم تاپقان.
توكيوداعى وليمپيادا ويىندارى 2020-جىلدىڭ 24- شىلدەسىنەن 9- تامىزىنا دەيىنگى ارالىقتا وتەدى.