07:31, 30 - ماۋسىم 2020 | GMT +6
قازاقستان 2020-جىلعى «Junior Eurovision» بايقاۋىنا قاتىسادى
نۇر-سۇلتان. قازاقپارات - قازاقستان بيىلعى 29- قاراشادا پولشادا وتەتىن «Junior Eurovision Song Contest» حالىقارالىق ءان بايقاۋىنا قاتىسادى، دەپ حابارلايدى قازاقپارات.
قازاقستاندى بايقاۋعا ءۇشىنشى مارتە قاتىستىرۋ تۋرالى شەشىم ەۋروپالىق حابار تاراتۋ وداعىندا وتكەن جاسىرىن داۋىس بەرۋدەن كەيىن قابىلدانعان.
«قازاقستاننىڭ سايىسقا قاتىسۋعا مۇمكىندىك الۋى ەلىمىزدىڭ ەڭ ءىرى مەديا حولدينگى سانالاتىن «حابار» اگەنتتىگىنىڭ 2016-جىلدان بەرى ەۋروپالىق حابار تاراتۋ وداعىنىڭ مۇشەسى بولۋىنىڭ ارقاسىندا مۇمكىن بولدى»، - دەدى «حابار» ارناسىنان.
ەسكە سالايىق، 2018-جىلى دانەليا تۋلەشوۆا «وزىڭە سەن» انىمەن سايىستا التىنشى ورىندى العان بولاتىن. وتكەن جىلى «ارمانىڭنان قالما» ءانىن ورىنداعان ەرجان ماكسيم ەكىنشى ورىنعا (قازىلار القاسىنىڭ شەشىمىمەن - ءبىرىنشى) قول جەتكىزدى.