ەلوردا بيۋدجەتىنە 2020 -جىلى 696 ميلليارد تەڭگە كىرىس تۇسكەن
ياعني، جوسپار 35 ميلليارد 899 ميلليون تەڭگەگە اسىرا ورىندالىپ وتىر، دەپ حابارلايدى قازاقپارات ءتىلشىسى.
قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ءالىبي جۇمايەۆ قوعامدىق كەڭەس وتىرىسىندا وسىنداي مالىمەت بەردى.
«وتكەن جىلى نۇر-سۇلتان بيۋدجەتىنە 696 ميلليارد 940 ميلليون تەڭگە ءتۇستى. جوسپار 35 ميلليارد 899 ميلليون تەڭگەگە اسىرا ورىندالدى. مەنشىكتى كىرىستەردىڭ جيىنتىق كولەمى 361 ميلليارد 717 ميلليون تەڭگەنى قۇرادى نەمەسە %11 ارتىق ورىندالدى. سالىقتىق تۇسىمدەر بويىنشا 332 ميلليارد 479 ميلليون تەڭگە ءتۇستى. ول %110,6 دى قۇرادى نەمەسە 31 ميلليارد 751 ميلليون تەڭگەگە اسىرا ورىندالدى. سالىقتىق ەمەس تۇسىمدەر بويىنشا 11 ميلليارد 796 ميلليون تەڭگە نەمەسە %116 عا ءوستى» - دەدى باسقارما باسشىسى.
ونىڭ ايتۋىنشا، بيۋدجەت بولىگىندە نەگىزگى كىرىستى اسىرا ورىنداۋ سالىق تۇسىمدەرى ەسەبىنەن قامتاماسىز ەتىلگەن.
«بۇل رەتتە 2020 -جىلدىڭ 1-قاڭتارىنان باستاپ شاعىن جانە ورتا بيزنەستەن تۇسەتىن كورپوراتيۆتىك تابىس سالىعى جەرگىلىكتى بيۋدجەتكە تۇسەتىنىن اتاپ وتكەن ءجون. وسىعان بايلانىستى اسىرا ورىنداۋدىڭ نەگىزگى سوماسىنىڭ ءبىرى كورپوراتيۆتىك تابىس سالىعىنىڭ تۇسىمدەرى بولدى. بۇل سوما 13 ميلليارد 604 ميلليون تەڭگەنى قۇرادى. جەكە تابىس سالىعى بويىنشا 122 ميلليارد 404 ميلليون تەڭگە ءتۇستى. الەۋمەتتىك سالىق بويىنشا اسىرا ورىنداۋ 7 ميلليارد 827 ميلليون تەڭگەنى قۇراپ، 89 ميلليارد 521 ميلليون تەڭگە بولدى. جەر سالىعى بويىنشا جوسپار 26 ميلليون تەڭگەگە اسىرا ورىندالىپ، جالپى 1 ميلليارد 593 ميلليون تەڭگە ءتۇستى. كولىك قۇرالدارىنا سالىناتىن سالىق بويىنشا جوسپار 540 ميلليون تەڭگەگە اسىرا ورىندالىپ، 5 ميلليارد 642 ميلليون تەڭگە ءتۇستى»، - دەپ تولىقتىردى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى.
ءسوزىنىڭ سوڭىندا ءالىبي جۇمايەۆ ەسەپتى جىلى نۇر-سۇلتان قالاسىنىڭ اكىمدىگى «نۇرلى جەر» باعدارلاماسى اياسىندا 49 ميلليارد 548 ميلليون تەڭگە، «جۇمىسپەن قامتۋدىڭ جول كارتاسى» باعدارلاماسى اياسىندا 44 ميلليارد 30 ميلليون تەڭگە بولاتىن مەملەكەتتىك باعالى قاعازدار شىعارىلعانىن ءمالىم ەتتى.