+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

توكيو-2020: قازاقستاندىق سپورتشىلار قورجىنىندا 5 جولداما بار

24 شىلدە 15:36
:ءبولىسۋ
توكيو-2020: قازاقستاندىق سپورتشىلار قورجىنىندا 5 جولداما بار

نۇر-سۇلتان. قازاقپارات - تۋرا ءبىر جىلدان سوڭ، 24 -شىلدە كۇنى توكيودا ءتورتجىلدىقتىڭ ەڭ ماڭىزدى سپورتتىق وقيعاسى - 2020 -جىلعى وليمپيادا ويىندارى باستالادى.

وعان قازاقستاندىق بەس سپورتشى جولداما جپەڭىپ العان، دەپ حابارلايدى قازاقپارات ۇلتتىق وليمپيادا كوميتەتىنە سىلتەمە جاساپ.

قازاقستان قۇراماسى اتالعان ويىن قارساڭىندا وليمپيادا جولداماسىنا تالاسۋدا. بۇگىنگە دەيىن #TEAMKZ سپورتشىلارى بەس جولداما ەنشىلەدى. 2020 -جىلعى وليمپيادا ويىندارىنا الەمنىڭ بارلىق مەملەكەتىنەن 11090 سپورتشى قاتىسادى. وسى ورايدا، ەرلەر مەن ايەلدەر تەڭدىگى ساقتالعانىن ايتا كەتۋ كەرەك. جالپى، قاتىسۋشىلاردىڭ 49 پايىزى - ايەلدەر. وليمپيادا ويىندارىندا 33 سپورت تۇرىنەن 339 مەدال تاراتىلادى. ال مۋلتيسپورتتىق دودانى ۇيىمداستىرۋعا 200 مىڭنان اسا ەرىكتى كومەكتەسەدى.

وليمپيادالىق سپورت تۇرلەرىنەن حالىقارالىق فەدەراتسيالار ويىنعا قاتىساتىن اتلەتتەردى ىرىكتەۋدەن وتكىزۋ جۇيەسىن ءبىرشاما قيىنداتتى. نەگىزىنەن، سپورتشىلاردى رەيتينگ ارقىلى ىرىكتەۋ جۇيەسى قولدانىسقا ەندى. اتاپ ايتار بولساق، جەڭىل اتلەتيكا، اۋىر اتلەتيكا، كاراتە سىندى سپورت تۇرلەرىندە ءتورتجىلدىق دوداسىنا ىرىكتەۋ كەزەڭى رەيتينگ ارقىلى ەسەپتەلۋدە.

جىل باسىنان بەرى الەم سپورتشىلارى وليمپيادا ليتسەنزياسىنا تالاستى باستادى.

سپورتتىڭ بارلىق تۇرلەرى بويىنشا 2020 -جىلعى ويىندارعا ىرىكتەۋ كەزەڭى باستالىپ كەتتى. قازاقستان كومانداسى ساپىنان توكيو ويىندارىنىڭ العاشقى جولداماسىن جەڭىل اتلەت گەورگيي شەيكو يەلەندى.

ول ناۋرىز ايىندا وتكەن ازيا چەمپيوناتىندا سپورتتىق جاياۋ جۇرىستەن كۇمىس جۇلدە جەڭىپ الدى. شەيكونىڭ ۋاقىت كورسەتكىشى - 1 ساعات 20 مينۋت 21 سەكۋند. بۇل - 1 ساعات 21 مينۋتقا ساي كەلەتىن وليمپيادا نورماتيۆى ءۇشىن جەتكىلىكتى كورسەتكىش.





ءساۋىر ايىندا #TEAMKZ قورجىنى تاعى ەكى ليتسەنزيامەن تولىقتى. اشىق سۋدا جۇزۋدەن كۋۆەيتتە وتكەن ازيا چەمپيوناتىندا ۆيتاليي حۋدياكوۆ التىن جۇلدەگەر اتانىپ قانا قويماي، وليمپيادا جولداماسىنا يەلىك ەتتى. ول 10 شاقىرىمعا جۇزۋدەن توكيو ويىندارىنىڭ ليتسەنزياسىنا قول جەتكىزگەن.

بىرنەشە كۇننەن سوڭ جۇزۋدەن وليمپيادا چەمپيونى دميتريي بالاندينگە جولداما بۇيىردى. ول گۋاندجوۋدا وتكەن Champions Swim Series ءتۋرنيرىنىڭ ءبىرىنشى كەزەڭىندە 200 مەترگە براسس ادىسىمەن جۇزۋدەن ليتسەنزيا ۇتىپ الدى. ال شىلدە ايىندا دميتري 100 مەترگە براسس ادىسىمەن جۇزۋدەن تاعى ءبىر جولدامانى قورجىنعا سالدى. كۆاندجۋدا ءوتىپ جاتقان سۋ سپورتى تۇرلەرىنەن الەم چەمپيوناتىنىڭ جارتىلاي فينالىندا بالاندين وليمپيادا نورماتيۆىن ورىنداعان بولاتىن.




30 -ماۋسىم كۇنى جەڭىل اتلەتيكادان ۇلتتىق قۇراما ۇزدىگى ولگا رىپاكوۆا الماتىدا وتكەن ليتسەنزيالىق قازاقستان كۋبوگىندە جولداماعا يەلىك ەتتى. رىپاكوۆا ءۇش قارعىپ سەكىرۋدەن 14.37 ناتيجەسىن كورسەتىپ، ءوزىنىڭ ءتورتىنشى وليمپياداسىنا جولداما الدى.














باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات