+7 (701) 759 90 19 Лента
12 °С : استانا
10 °С : الماتى
USD 327.42 EUR 383.51
RUB 5.29 CNY 51.26
جاڭالىقتار

ساراپشىلار: قازاقستان 2020 -جىلعا دەيىن ترانزيتتەن 5 ميلليارد دوللار پايدا تابادى

15 قاراشا 18:19 249
:ءبولىسۋ
ساراپشىلار: قازاقستان 2020 -جىلعا دەيىن ترانزيتتەن 5 ميلليارد دوللار پايدا تابادى

استانا. قازاقپارات - قازاقستان -  جاھاندىق ترانزيتتىك ورتالىق. ويتكەنى ورتالىق ازيادان ەۋروپاعا تاسىمالداناتىن جۇك ەلىمىز ارقىلى وتەدى. سوندىقتان ايماقتاعى كولىكتىك ءدالىز ماسەلەسىن ءبىر جولعا قويۋ كۇن تارتىبىندەگى ماسەلەردىڭ ءبىرى.

 «ورتالىق ازيا جاھاندىق ترانزيتتىك ورتالىق رەتىندە» اتتى كونفەرەنسيادا باس قوسقانداردىڭ پىكىرى وسىنداي. ساراپشىلاردىڭ ايتۋىنشا، وزبەكستان، تاجىكستان، تۇرىكمەنستان مەن قىرعىزستان ترانسپورتتىق كوممۋنيكاتسيانى دامىتۋعا قىزىعۋشىلىق تانىتىپ وتىر. ءبىزدىڭ ەلىمىز دە ينتەگراتسيالىق بايلانىستاردى نىعايتۋ ماقساتىندا مەملەكەتتىك باعدارلامالاردى جۇزەگە اسىرىپ كەلەدى.

 ماماندار قازاقستان 2020 -جىلعا دەيىن ترانزيتتەن 5 ميلليارد دوللار پايدا تاباتىنىن ايتادى. ويتكەنى قىتايدان ەۋروپاعا تاسىمالداناتىن ترانزيت كولەمى جىل ساناپ ارتىپ كەلەدى. الداعى ۋاقىتتا رەسەيدەن ورتالىق ازياعا باراتىن جۇك كولەمى دە ۇلعايادى. ماسەلەن، 2020 -جىلعا دەيىن ەلىمىز ارقىلى تاسىمالداناتىن جۇك كولەمى 2 ميلليون كونتەينەرگە جەتەدى دەپ جوسپارلانعان.

سانات كوشكىنبايەۆ، ق ر پرەزيدەنتى جانىنداعى ق س ز ي ديرەكتورىنىڭ ورىنباسارى:

 -  الەمدىك تاۋار اينالىمى قارقىن الدى. بۇل رەتتە ەۋروپا مەن ازيا اراسىنداعى بايلانىستى ايتپاسقا بولمايدى. الىس- بەرىس تەڭىز جولدارى ارقىلى جۇرگىزىلەدى. ءبىز وعان باسەكە بولا الماسىمىز بەلگىلى. ءبىراق ونىڭ بالاما جولدارى بار. ماسەلەن، قازاقستان ارقىلى جۇك تاسىمالداۋ ەڭ الدىمەن ۋاقىتتى ۇنەمدەيدى. تەڭىز ارقىلى 45-60 كۇندە باراتىن تاۋاردى 2 اپتادا دىتتەگەن جەرگە جەتكىزۋگە بولادى.

www.24.kz


:ءبولىسۋ
ونلاين قىزمەتكەرلەر
مۇراعات