قازاقستان بيلىگى 2020-جىلى 500 ميلليون تەڭگەگە كونسەرت وتكىزبەك
نۇر-سۇلتان. قازاقپارات - قازاقستان بيلىگى 2020-جىلدىڭ تامىزىندا ەل كونستيتۋتسياسىنىڭ 25 جىلدىعىن تويلاۋ اياسىندا 500 ميلليون تەڭگەگە كونسەرت وتكىزبەك دەپ حابارلايدى KAZ. NUR. KZ.
ۇكىمەت كونستيتۋتسيانىڭ جانە قازاقستان حالقى اسسامبلەياسىنىڭ 25 جىلدىعىن ۇيىمداستىرۋ جانە وتكىزۋ جونىندەگى ۇلتتىق جوسپاردى بەكىتتى.
قۇجاتقا سايكەس، بيلىك كونستيتۋتسيانىڭ 25 جىلدىعىنا ارنالعان مەرەكەلىك كونسەرت پەن 2020-جىلعى تامىزدا ەلىمىزدىڭ اتا زاڭىنىڭ 25 جىلدىعىنا ارنالعان حالىقارالىق كونفەرەنسياعا قاتىسۋشىلار ءۇشىن پرەزيدەنت قابىلداۋىندا وتەتىن كونسەرتتى ۇيىمداستىرۋعا 504,8 ميلليون تەڭگە جۇمساۋعا نيەتتى.
بۇل مەرەكەگە قاراجات رەسپۋبليكالىق بيۋدجەتتەن بولىنبەك. ءىس-شارانىڭ جاۋاپتى اتقارۋشىلارى مادەنيەت جانە سپورت مينيسترلىگى، كونستيتۋتسيالىق كەڭەس (كەلىسىم بويىنشا)، وبلىس جانە نۇر-سۇلتان، الماتى، شىمكەنت قالالارىنىڭ اكىمدىكتەرى.
قازاقستان حالىقتار اسسامبلەياسىنىڭ 25 جىلدىعىنا وراي 2020-جىلدىڭ ءساۋىر ايىندا وتەتىن كونسەرتكە رەسپۋبليكالىق بيۋجەتتەن 225,3 ميلليون تەڭگە قاراستىرىلعان. ءىس-شارانىڭ جاۋاپتى اتقارۋشىسى مادەنيەت جانە سپورت مينيسترلىگى.
ايتا كەتسەك، كونستيتۋتسيا كۇنى 1995-جىلى جالپى ۇلتتىق رەفەرەندۋمدا قابىلدانعاننان بەرى 30- تامىزدا تويلانىپ كەلەدى.
- جەتىنشى سىنىپتان جەتپىسكە كەلگەنشە قولىمنان قالام تۇسكەن جوق - بەلگىلى عالىم، جازۋشى تۇرسىن جۇرتباي
- قازاقتىڭ ۇلتتىق سپورت ويىندارى
- مۇستافا شوقايدىڭ جاڭادان تابىلعان حاتتارىندا قانداي شىندىق بار؟
- قازاق پەن قىرعىزعا اۋدارماشى قاجەت ەمەس - مينيستر
-
سينگاپۋردىڭ قاق ورتاسىندا قازاقتىڭ كيىز ءۇيى تىگىلدى
-
بۇركىتتى پويىزبەن تاسىمالداۋعا رۇقسات قاجەت