2020 -جىلى 48 ءسۇت فەرما مەن 8 قۇس فابريكاسى پايدالانۋعا بەرىلدى - ا ش م
جىل باسىندا ۇكىمەت وتىرىسىندا ق ر اۋىل شارۋاشىلىعى ءمينيسترى ساپارحان وماروۆ قازاقستاننىڭ ءبىرقاتار الەۋمەتتىك ماڭىزى بار ازىق- تۇلىك ونىمدەرى بويىنشا يمپورتقا تاۋەلدىلىگى بارىن ايتىپ، ا ش م تاراپىنان يمپورتتى الماستىرۋ جانە ءسۇت ونىمدەرى، قۇس ەتى، قانت، بالىق جانە الما ءوندىرىسىن ۇلعايتۋ بويىنشا ازىرلەگەن جوسپارىن ۇسىنعان بولاتىن.
ءسۇتتى مال شارۋاشىلىعى سەكتورىندا يمپورتتى الماستىرۋ ءۇشىن قر ا ش م الدىنا جىل سايىن 25 تاۋار- ءسۇت فەرماسىن پايدالانۋعا بەرۋ تۋرالى مىندەت قويعان. COVID پاندەمياسى جاعدايىندا كاسىپورىن باسشىلارى تاۋارلى- ءسۇت فەرمالارىن قۇرۋ جانە جاڭعىرتۋ ءۇشىن بارىنشا كۇش سالدى، ال ا ش م تاراپىنان قارجىلاندىرۋ جانە مەملەكەتتىك قولداۋ ۋاقتىلى جۇرگىزىلدى.
2020 -جىلدىڭ قورىتىندىسى بويىنشا جالپى سانى 16,2 مىڭ باس ءىرى قارا مالى جانە وندىرىستىك قۋاتى جىلىنا 93 مىڭ توننا ءسۇت وندىرەتىن 48 ونەركاسىپتىك جانە وتباسىلىق تاۋارلى- ءسۇت فەرماسىن پايدالانۋعا ەنگىزدى. ونىڭ ىشىندە جالپى مال باسى 12,5 مىڭ ءىقم جانە وندىرىستىك قۋاتى جىلىنا 87,8 مىڭ توننا ءسۇت بولاتىن 17 ونەركاسىپتىك تاۋارلى- ءسۇت فەرماسى بار. ناتيجەسىندە بيىلعى 11 ايدا ءسۇت ءوندىرۋ %3,2 عا - 5,6 ميلليون تونناعا دەيىن ۇلعايدى. ءسۇتتى مال شارۋاشىلىعىنىڭ تيىمدىلىگىن ارتتىرۋ ءۇشىن اسىل تۇقىمدى مالدى سۋبسيديالاۋ قاعيدالارىنا ءبىرقاتار وزگەرىستەر مەن تولىقتىرۋلار ەنگىزىلدى.
اتاپ ايتقاندا، ءسۇتتى مال شارۋاشىلىعىندا يمپورتتالعان اسىل تۇقىمدى انالىق مال باسىن ساتىپ الۋ ءۇشىن سۋبسيديالاۋ نورماتيۆتەرى ءبىر باسقا 225 تەن 400 مىڭ تەڭگەگە دەيىن، ال وتاندىق مال شارۋاشىلىعىندا ءبىر باسقا 150-دەن 200 مىڭ تەڭگەگە دەيىن ۇلعايتىلدى. سونىمەن قاتار، ءسۇت قۇنىن ارزانداتۋدى سۋبسيديالاۋ قاراستىرىلعان.
سونداي-اق، ونەركاسىپتىك تاۋارلى- ءسۇت فەرمالارىن سالۋعا جانە وتباسىلىق ءسۇت فەرمالارىن زاماناۋي ۇلگىدە جابدىقتاۋعا جۇمسالعان شىعىنداردىڭ ءبىر بولىگىن وتەۋ بويىنشا سۋبسيديالاۋ قاعيدالارى وزگەرتىلدى. سوعان سايكەس تەحنيكا مەن قاجەتتى قۇرالداردى ساتىپ الۋعا، قۇرىلىس- مونتاجداۋ جۇمىستارىنا كەتكەن شىعىنداردىڭ %25 ى وتەلەتىن بولدى.
ءسۇت باعىتىنداعى مال شارۋاشىلىعىن مەملەكەتتىك قولداۋ شارالارىنا قوسىمشا «قازاگرو» ۇ ب ح» ا ق %6 سىياقى مولشەرلەمەسىمەن 10 جىلعا دەيىنگى مەرزىمدە ونەركاسىپتىك تاۋارلى- ءسۇت فەرمالارىنىڭ قۇرىلىسىن قارجىلاندىرۋ كىرەدى. وسى شارالاردىڭ بارلىعى ءسۇتتى مال شارۋاشىلىعى مەن ءسۇت ونىمدەرىن ءوندىرۋ سالاسىنداعى بيزنەستى قولداۋ بولىپ تابىلادى.
سونداي-اق، اعىمداعى جىلى اۋىل شارۋاشىلىعى مينيسترلىگى ەت باعىتىنداعى قۇس شارۋاشىلىعىن دامىتۋدا تولايىم تابىسقا جەتتى. قۇس ەتىنىڭ وتاندىق ءوندىرىسىن ۇلعايتۋ جانە قۇس شارۋاشىلىعى ءونىمىنىڭ يمپورتتىق ۇلەسىن ازايتۋ ءۇشىن ا ش م مەن وڭىرلىك اكىمدىكتەر قازىرگى زامانعى جاڭا ءوندىرىس ورىندارىن قۇرۋ، جۇمىس ىستەپ تۇرعان قۇس فابريكالارىن كەڭەيتۋ جانە جاڭعىرتۋ جوبالارىنا بارىنشا قولداۋ كورسەتتى.
2020 -جىلدىڭ قورىتىندىسى بويىنشا جالپى قۋاتتىلىعى جىلىنا 95 مىڭ توننا قۇس ەتىن وندىرەتىن ەت باعىتىنداعى 8 قۇس فابريكاسى پايدالانۋعا بەرىلدى («ماكينسك قۇس فابريكاسىنىڭ 2-كەزەگى»، «استراحان قۇس» ا ە ك» ج ش س قۇس فابريكاسىن جاڭعىرتۋ، «Otan Green Food» ج ش س قۇس فابريكاسىن قۇرۋ، «الاتاۋ قۇس» ج ش س قۇس فابريكاسىن كەڭەيتۋ، «ناۋرىز اگرو لتد» ج ش س قۇس فابريكاسىن كەڭەيتۋ، «ريۆان» ج ش س قۇس فابريكاسىن قۇرۋ، «Poltry-Agro» ج ش س قۇس فابريكاسىن جاڭعىرتۋ، «شىمكەنت قۇس» ج ش س قۇس فابريكاسىن جاڭعىرتۋ جوبالارى). بۇل جوبالار 2021 -جىلدىڭ ءبىرىنشى جارتىجىلدىعىندا تولىق قۋاتتىلىعىن كورسەتەدى دەپ كۇتىلۋدە.