+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

توكيو-2020: مەدالدار كەستەسىندە قازاقستان 40 - ورىنعا قاراي ىعىستى

26 شىلدە 20:22
:ءبولىسۋ
توكيو-2020: مەدالدار كەستەسىندە قازاقستان 40 - ورىنعا قاراي ىعىستى

توكيو. قازاقپارات - جاپونيا استاناسى توكيو قالاسىندا ءوتىپ جاتقان وليمپيادا ويىندارىندا 26 -شىلدەدەگى مەدالدار ەسەبى جاريالاندى، دەپ حابارلايدى قازاقپارات.

ايتا كەتەيىك، قازىر قازاقستان قۇراماسىنىڭ قورجىنىندا ءۇش قولا مەدال بار. العاشقىسىن 24 -شىلدەدە دزيۋدوشى ەلدوس سمەتوۆ يەمدەنسە، ەكىنشىسىنە 25-شىلدەدە اۋىر اتلەت يگور سون قول جەتكىزدى. تاعى ءبىر اۋىر اتلەتىمىز زۋلفيا چينشانلو بۇگىن، 26-شىلدەدە تاعى ءبىر قولا مەدال جەڭىپ الدى. وسىلايشا ءۇش قولا مەدال العان ەل قۇراماسى جالپى كوماندالىق ەسەپتە 40-ورىنعا تابان تىرەدى.

گەرمانيا قۇراماسىنىڭ دا قورجىنىندا ءۇش قولا بار. قازىرگە دەيىن 51 مەملەكەتتەن كەلگەن سپورتشىلار مەدال الىپ ۇلگەردى. مەدال الۋ جونىنەن ا قش كوش باسىنا شىقتى. ونىڭ ەنشىسىندە 7 التىن، 3 كۇمىس، 4 قولا مەدال بار. ەكىنشى ورىنداعى جاپونيانىڭ ەنشىسىنە 7 التىن، 2 كۇمىس، 3 قولا بۇيىرعان. بۇعان دەيىن كوش باسىندا كەلە جاتقان قىتاي 6 التىن، 4 كۇمىس، 7 قولامەن ءۇشىنشى ورىنعا ىعىستى. توكيو وليمپياداسىنان 26-شىلدەدە مەدال العان ەل قۇرامالارىنىڭ العاشقى وندىقتاعى كەستەسى تومەندەگىشە:

1. ا ق ش - 7-3-4

2. جاپونيا - 7-2-3

3. قىتاي - 6-4-7

4. رەسەي - 4-5-3

5. ۇلى بريتانيا - 3-3-1

6. وڭتۇستىك كورەيا - 3-0-4

4 7. اۆستراليا- 2-1-3

8. كوسوۆو - 2-0-0

9. يتاليا - 1-4-4

10. فرانسيا - 1-2-2

بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى. ايتۋلى الامانعا جەر بەتىندەگى 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كۇنشىعىس ەلىندە سپورتتىڭ 28 تۇرىنەن باق سىنايدى.

ەسكە سالساق، توكيو وليمپياداسى 23-شىلدەدە باستالدى. ول 8-تامىزدا مارەسىنە جەتەدى. بۇعان دەيىن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن، 28 كۇمىس، 64 قولا مەدال الدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات