+7 (701) 759 90 19
-19 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەۋرو-2020: فينالدىق كەزەڭگە جولداما العان 20 قۇراما بەلگىلى بولدى

20 قاراشا 12:00
:ءبولىسۋ
ەۋرو-2020: فينالدىق كەزەڭگە جولداما العان 20 قۇراما بەلگىلى بولدى

نۇر-سۇلتان. قازاقپارات – 19- قاراشا كۇنى فۋتبولدان 2020-جىلعى ەۋروپا چەمپيوناتىنا ىرىكتەۋ تۋرى مارەسىنە جەتتى.

جارىستىڭ فينالدىق كەزەڭىنە جولداما العان 20 قۇراما بەلگىلى بولدى، دەپ حابارلايدى قازاقپارات ءتىلشىسى.

ولاردىڭ قاتارىندا انگليا، چەحيا، ۋكراينا، پورتۋگاليا، گەرمانيا، گوللانديا، شۆەيتساريا، دانيا، حورۆاتيا، ۋەلس، يسپانيا، شۆەتسيا، پولشا، اۆستريا، فرانسيا، تۇركيا، بەلگيا، رەسەي، يتاليا، فينليانديا قۇرامالارى بار.

اتالمىش قۇرامالار ءتورت سەبەتكە ءبولىندى. العاشقىسىندا يتاليا، انگليا، بەلگيا، يسپانيا، ۋكراينا، گەرمانيا، ەكىنشىسىندە فرانسيا، پولشا، شۆەيتساريا، حورۆاتيا، رەسەي، گوللانديا، ۇشىنشىسىندە پورتۋگاليا، تۇركيا، دانيا، اۆستريا، شۆەتسيا، چەحيا، تورتىنشىسىندە فينليانديا، ۋەلس جانە ۇلتتار ليگاسى پلەي-وفف ساتىسىندا وزىپ شىققان 4 قۇراما ورنالاسقان. جەرەبە تارتۋ ءراسىمى 30- قاراشادا رۋمىنيا استاناسى - بۋحارەست قالاسىندا وتكىزىلەدى.

ەۋروپا چەمپيوناتىنىڭ فينالدىق ساتىسى 2020-جىلدىڭ 12- ماۋسىمى – 12- شىلدەسى ارالىعىندا وتكىزىلەدى. وعان بارلىعى 24 قۇراما قاتىسۋعا مۇمكىندىك الادى. اتالمىش تۋرنيردىڭ ىرىكتەۋ ساتىسىندا بارلىعى 10 توپتان العاشقى ەكى ورىنعا يە بولعان قۇرامالار جارىستىڭ فينالىنا بىردەن وتەدى. ال قالعان ءتورت قۇراما 2020-جىلعى 29-31- ناۋرىزدا ۇلتتار ليگاسى پلەي-وفف ساتىسىندا وزىپ شىققان قۇرامالار اراسىندا انىقتالادى.

ايتا كەتەرلىگى، ەۋروپا چەمپيوناتىنىڭ فينالدىق كەزەڭى كارى قۇرلىقتىڭ ازەربايجان، انگليا، ۆەنگريا، گەرمانيا، دانيا، يرلانديا، يسپانيا، يتاليا، گوللانديا، رەسەي، رۋمىنيا جانە شوتلانديا مەملەكەتتەرىندەگى 12 قالادا وتكىزىلەدى. بۇل ەۋروپا چەمپيوناتىنىڭ العاش وتكىزىلگەنىنە 60 جىل تولۋ مەرەيتويىنا وراي ۇيىمداستىرىلىپ وتىر.

ەسكە سالايىق، كەشە قازاقستان قۇراماسى كۆاليفيكاتسيانىڭ سوڭعى تۋرىندا سىرت الاڭدا شوتلاندياعا 1:3 ەسەبىمەن جول بەردى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات