«تۇمار-2020» سىيلىعىنىڭ يەگەرلەرىنە 1 ميلليون تەڭگەدەن بەرىلەدى
وسى جىلى ۇيىمداستىرۋشىلار ون نوميناتسيا بويىنشا ءبىر ميلليون تەڭگەدەن جۇلدە قورىن بەلگىلەدى، دەپ حابارلايدى قازاقپارات ۇلتتىق سىيلىقتىڭ ۇيىمداستىرۋ كوميتەتىنە سىلتەمە جاساپ.
بيىل ءتورتىنشى رەت وتەتىن «تۇمار» ۇلتتىق تەلەارنا سىيلىعىنىڭ ءوز ەرەكشەلىگى بار. ۇيىمداستىرۋ كوميتەتى وتكەن جىلدارداعى قازىلار القاسى مەن كاسىبي قوعامداستىق مۇشەلەرىنىڭ ۇسىنىستارىن نازارعا الا وتىرىپ، «تۇمار» مۇسىنشەسىنە ءبىر ميلليون تەڭگە مولشەرىندە اقشالاي سىياقىنى قوسا بەرۋ تۋرالى شەشىم قابىلدادى.
بيىل سىيلىق ون نوميناتسيا بويىنشا تاپسىرىلادى: «ۇزدىك تەلەۆيزيالىق سەريال»، «ۇزدىك دەرەكتى فيلم»، «ۇزدىك توك-شوۋ» ، «ۇزدىك ويىن-ساۋىق باعدارلاماسى»، «ۇزدىك اقپاراتتىق باعدارلاما»، «ۇزدىك تەلەجۇرگىزۋشى»، «ۇزدىك تەلەجۋرناليست»، «ۇزدىك رەجيسسەرلىك جۇمىس»، «ۇزدىك الەۋمەتتىك جوبا»، «ۇزدىك ايماقتىق تەلەارنا».
ءار نوميناتسيا بويىنشا «تۇمار» سىيلىعى مەن ءبىر ميلليون تەڭگەنى الۋعا ءتورت ۇمىتكەر قاتىسادى.