جانۋارلارعا 2020 -جىلى 150 ميلليون ەكپە جاسالادى – اۋىل شارۋاشىلىعى مينيسترلىگى
2020 -جىلى قازاقستاندا 19 اسا قاۋىپتى اۋرۋلارعا قارسى جانۋارلاردى ۆاكسيناتسيالاۋ بويىنشا 150 ميلليوننان استام مانيپۋلياتسيا جۇرگىزۋ جوسپارلانعان. ولاردىڭ قاتارىنا اۋسىل، ءسىبىر جاراسى، قۇتىرۋ، پاستەرەللەز، تۋبەركۋلەز، ۇ ق م شەشەگى، قۇس تۇماۋى، وبا، جۇقپالى رينوتراحەيت جانە ۆيرۋستىق ديارەيا، سونداي-اق ەمكار، ەكتيما، جىلقىنىڭ قۇلاعى، رينوپنيەۆمونيا، نودۋليارلىق دەرماتيت، ەت قورەكتىلەردىڭ ەحينوكوككوزى، لەپتوسپيروز، ليستەريوز، نيۋكاسل اۋرۋى، قويدىڭ اناەروبتى ەنتەروتوكسەمياسى جانە برادزوت كىرەدى.
«ۆاكسيناتسيالاۋ ءۇشىن 120 ميلليون ۆەتەرينارلىق پرەپارات پەن 30 مىڭ ليتر دەزينفەكسيالىق قۇرال ساتىپ الىنادى. بۇگىنگى كۇنى ۆەتەريناريالىق الدىن الۋ ءىس-شارالارى جوسپار بويىنشا جۇرگىزىلەدى، ۆەتەريناريالىق زەرتحانالار شتاتتىق رەجيمدە جۇمىس ىستەيدى» دەلىنگەن حابارلامادا. جانۋارلاردىڭ اسا قاۋىپتى اۋرۋلارى بويىنشا ەپيزووتيالىق جاعداي ا ش م تۇراقتى باقىلاۋىندا.