+7 (701) 759 90 19
7 °С : نۇر-سۇلتان
18 °С : الماتى
USD 423.95 EUR 495.81
RUB 5.84 CNY 65.6
جاڭالىقتار

توكيو 2020: وليمپيادا ويىندارىنا ارنالعان 13 ەرەكشە ستاديون

26 شىلدە 14:28
:ءبولىسۋ
توكيو 2020: وليمپيادا ويىندارىنا ارنالعان 13 ەرەكشە ستاديون

نۇر- سۇلتان. قازاقپارات - 23 - شىلدەدە توكيودا جازعى وليمپيادا ويىندارى باستالدى. جارىستار كەنگو كۋما، كەنزو تانگە جانە فۋميحيكو ماكي سياقتى ايگىلى ساۋلەتشىلەردىڭ قولىنان شىققان ستاديونداردا وتەدى، دەپ حابارلايدى «حابار 24».

جاڭا جاپون ۇلتتىق ستاديونى. سىيىمدىلىعى-68000 ادام، كەنگو كۋما جاساعان. نىسان 2019 -جىلى وليمپيادانى وتكىزۋ ءۇشىن ارنايى سالىنعان. مۇندا اشىلۋ جانە جابىلۋ راسىمدەرى، سونداي- اق جەڭىل اتلەتيكادان جارىستار وتەدى. بەزەندىرۋ ءۇشىن جاپونيانىڭ 47 پرەفەكتۋراسىنان شامامەن 2000 تەكشە مەتر بالقاراعاي اعاشى قولدانىلعان.

ۇلتتىق ستاديون. 1964 -جىلى وليمپيادا ويىندارىنا ارنالعان. ساۋلەتشىسى - كەنزو تانگە.


سۋ سپورتى ورتالىعى. 2020 -جىلى سالىنعان جانە 15000 كورەرمەنگە ارنالعان. جوبا اۆتورى - پول تانگە (ايگىلى ساۋلەتشى كەنزو تانگەنىڭ ۇلى). عيمارات توڭكەرىلگەن پيراميدا ءتارىزدى.


«نيپپون بۋدوكان» - دزيۋدو مەن كاراتە جارىستارىنىڭ الاڭى. نىسان 1964 -جىلى پايدالانۋعا بەرىلگەن. قۇرىلىمنىڭ ەرەكشەلىگى - ونىڭ سەگىز قىرلى ءپىشىنى.


«ارياكە» گيمناستيكا ورتالىعى. 2020 -جىلى سالىنعان جانە سىيىمدىلىعى 12000 كورەرمەنگە ارنالعان. قۇرىلىم كانالدىڭ جاعاسىندا، ءىس جۇزىندە توكيو شىعاناعىنىڭ سۋىندا ورنالاسقان. قۇرىلىس جانە بەزەندىرۋ ءۇشىن تابيعي اعاش قولدانىلعان. وليمپيادا جابىلعاننان كەيىن ورتالىق كورمە پاۆيلونى رەتىندە پايدالانىلاتىن بولادى.


توكيو حالىقارالىق فورۋمى. 1997 -جىلى ساۋلەتشى رافاەل ۆينولي سالعان. بۇل توكيوداعى ەڭ كورنەكتى قۇرىلىمداردىڭ ءبىرى. نىساندا اۋىر اتلەتيكا مەن پاۋەرليفتينگ جارىستارى وتەدى. ول ەكى بولىكتەن تۇرادى، بىرنەشە جەراستى جانە اينەك ءۇستى وتكەلدەرىمەن بايلانىسقان.


توكيو استانالىق گيمنازياسى. 1991 -جىلى سالىنعان. وليمپيادا ويىندارىندا ۇستەل تەننيسىنەن جارىستار وتەدى. باستاپقىدا عيمارات 1954 -جىلى سالىندى، ءبىراق سودان كەيىن بىرنەشە رەت قايتا وزگەرتىلدى. ساۋلەتشىسى- پريتسكەر ساۋلەت سىيلىعىن العان فۋميحيكو ماكي.


«كوكۋگيكان ارەنا». 1985 -جىلى سالىنعان جانە 73000 كورەرمەندى قابىلداي الادى. سۋمو جانە بوكس جارىستارىنا ارنالعان. اسپالى شاتىر جاپونيانىڭ نەگىزگى سينتوي حرامى- يسە عيباداتحاناسىنىڭ قاسيەتتى اعاشىنان جاسالعان.


«ارياكە ارەنا». 2017 -جىلى سالىنعان كوپفۋنكتسيونالدى سپورت عيماراتى 15000 كورەرمەنگە ارنالعان. مۇندا ۆولەيبول جارىسى، سونداي- اق مۇگەدەكتەر ارباسىنداعى باسكەتبول جارىسى وتەدى. ديزاين تولقىن ءتارىزدى دوڭەس شاتىرمەن قاپتالعان.


«ماكۋحاري مەسسە» كونفەرەنس- ورتالىعى. 1989 -جىلى اشىلعان جانە 8000 كورەرمەنگە ارنالعان. عيمارات تولىعىمەن تەمىربەتوننان تۇرعىزىلعان جانە بولات قاڭقاسى بار. وندا جوعارى تەحنولوگيالار سالاسىندا كوپتەگەن ءىس- شارالار وتكىزىلەدى. وليمپيادا ويىندارى كەزىندە مۇندا كۇرەس، تاەكۆوندو جانە سەمسەرلەسۋ جارىستارى وتەدى.


«يدزۋ» ۆەلودرومى. 2011 -جىلى سالىنعان، 3600 كورەرمەنگە ارنالعان. ول جاپونيادا حالىقارالىق ستاندارتتارعا سايكەس كەلەتىن العاشقى ۆەلوترەك بولدى. جوبا اۆتورلارى- Gensler Architects بيۋروسى جانە نەمىس ساۋلەتشىسى رالف شۋەرمان.


«مياگي» ستاديونى. سيتي جانە حيتوسي ابە جوبالاعان جانە 2002 -جىلعى الەم كۋبوگىنا ارنالعان. وليمپيادا ويىندارى كەزىندە فۋتبول جارىستارىنىڭ الاڭى بولادى. ارەنانىڭ سىيىمدىلىعى - 49 مىڭنان استام كورەرمەن.


Musashino Forest Sport Plaza. ارەنا 2017 -جىلى سالىنعان جانە 10000-نان استام ادامدى قابىلداي الادى. مۇگەدەكتەر ارباسىندا بادمينتون، بەسسايىس جانە باسكەتبول جارىستارىنا ارنالعان.



www.24.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات