اسقار مامين: 2020 -جىل - سوڭعى 100 جىلداعى ەڭ داعدارىسقا تولى كەزەڭ بولدى

None
None
نۇر- سۇلتان. قازاقپارات - 2020 -جىل - سوڭعى 100 جىلداعى ەڭ داعدارىستىق كەزەڭ بولدى. بۇل تۋرالى ق ر پارلامەنتى پالاتالارىنىڭ بىرلەسكەن وتىرىسىندا پرەمەر- مينيستر اسقار مامين ايتتى، دەپ حابارلايدى قازاقپارات ءتىلشىسى.

«ق ر تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆتىڭ ستراتەگيالىق باعىتىنا جانە مەملەكەت باسشىسى قاسىم- جومارت كەمەل ۇلى توقايەۆ بەلگىلەگەن مىندەتتەرگە سايكەس ۇكىمەت ەلدىڭ الەۋمەتتىك- ەكونوميكالىق تۇراقتىلىعىن قامتاماسىز ەتۋ بويىنشا پارلامەنتپەن بىرلەسىپ، ءتيىمدى جۇمىس جۇرگىزۋدە. 2020 -جىل - حالىقارالىق ساراپشىلاردىڭ باعالاۋى بويىنشا سوڭعى 100 جىلداعى ەڭ داعدارىستىق كەزەڭ بولدى. كوروناۆيرۋس پاندەمياسى الەمدىك ەكونوميكانىڭ دامۋ جاعدايىن جانە ونىڭ قۇرىلىمىن تۇبەگەيلى وزگەرتتى. سونىمەن قاتار، جاڭا الەۋمەتتىك- ەكونوميكالىق ۇردىستەر قالىپتاستى»، - دەدى ۇكىمەت باسشىسى.

ونىڭ اتاپ وتۋىنشە، ۇكىمەت ق ر پارلامەنتىمەن بەلسەندى ءوزارا ءىس- قيمىل جاساي وتىرىپ، وسىنداي كۇردەلى كەزەڭدە، ازاماتتار مەن بيزنەستى قولداۋعا باعىتتالعان اسا ماڭىزدى شەشىمدەردى دەر كەزىندە قابىلدادى. بۇعان ق ر پارلامەنتى وراسان زور ۇلەس قوستى.

«وسى ءساتتى پايدالانىپ، پارلامەنتتىڭ قوس پالاتاسىنىڭ بارلىق دەپۋتاتتارىنا سىندارلى جانە ناتيجەلى جۇمىس ءۇشىن العىس ايتقىم كەلەدى. اۋقىمدى جانە ۋاقتىلى قولداۋ شارالارىن، سونداي- اق كونترتسيكلدى ماكروەكونوميكالىق ساياساتتى ىسكە اسىرۋ 2020 -جىلى قازاقستان ەكونوميكاسىنىڭ تومەندەۋىن 2,6 پايىزعا دەيىن، ال نەگىزگى كاپيتالعا ينۆەستيتسيانىڭ ازايۋىن 3,4 پايىزعا شەكتەۋگە مۇمكىندىك بەردى»، - دەدى اسقار مامين.


سوڭعى جاڭالىقتار