+7 (701) 759 90 19
-3 °С : نۇر-سۇلتان
0 °С : الماتى
USD 376.72 EUR 408.67
RUB 5.76 CNY 53.68
جاڭالىقتار

قانداستاردى قابىلداۋ كۆوتاسى 2020-جىلى 1,3 مىڭ ادامنان اسادى - مينيسترلىك

28 قاڭتار 07:31
:ءبولىسۋ
قانداستاردى قابىلداۋ كۆوتاسى 2020-جىلى 1,3 مىڭ ادامنان اسادى - مينيسترلىك

نۇر-سۇلتان. قازاقپارات – ق ر ۇكىمەتىنىڭ قاۋلىسىمەن ورالمانداردى قابىلداۋدىڭ وڭىرلىك كۆوتاسى 2020-جىلى 1378 ادام بولىپ بەلگىلەنگەن، دەپ حابارلايدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتى.

اتالعان قاۋلىنى قابىلداۋدىڭ ماقساتى ق ر ۇكىمەتى بەلگىلەگەن وڭىرلەردە ورالمانداردى وڭتايلى ورنالاستىرۋ.

سايتتا جاريالانعان مالىمەتتەرگە قاراعاندا، 2020-جىلى كۆوتا بىلايشا ءبولىندى: پاۆلودار وبلىسى بويىنشا - 500 ادام، قوستاناي وبلىسى بويىنشا – 350، اقمولا وبلىسى بويىنشا – 258، شىعىس قازاقستان وبلىسى بويىنشا-150، سولتۇستىك قازاقستان وبلىسى بويىنشا - 120.

ورالمانداردى قابىلداۋدىڭ وڭىرلىك كۆوتاسىنا ەنگىزىلگەن ادامدارعا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021-جىلدارعا ارنالعان «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە سۋبسيديا بەرۋ تۇرىندە قولداۋ كورسەتىلەتىن بولادى: كوشۋگە - وتباسىنىڭ ءاربىر مۇشەسىنە 35 ا ە ك (84,2 مىڭ تەڭگە) ءبىرجولعى تولەم؛ تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەردى تولەۋ بويىنشا شىعىستاردى جابۋ ءۇشىن 12 اي ىشىندە وتباسىنا 15 تەن 30 ا ە ك (36,1-دەن 72,2 مىڭ تەڭگە).

بۇدان بۇرىن حابارلانعانداي، 2019-جىلى ق ر ۇكىمەتى 2031 ادامدى قامتيتىن ورالمانداردى قابىلداۋدىڭ وڭىرلىك كۆوتاسىن بەكىتتى، ول مىناداي تۇردە ءبولىندى: قوستاناي وبلىسى بويىنشا – 815، پاۆلودار وبلىسى بويىنشا – 550، اقمولا وبلىسى بويىنشا – 306، شىعىس قازاقستان وبلىسى بويىنشا-250، سولتۇستىك قازاقستان وبلىسى بويىنشا - 110 ادام.

جالپى العاندا، 2019-جىلى 17,661 ەتنيكالىق قازاق نەمەسە 9993 وتباسى تاريحي وتانىنا ورالىپ، قانداس مارتەبەسىن الدى.

ەستەرىڭىزگە سالا كەتەيىك، 1991-جىلدان 2020-جىلعى 1- قاڭتارعا دەيىن 313256 وتباسى نەمەسە 1057280 ەتنيكالىق قازاق تاريحي وتانىنا ورالىپ، قانداس مارتەبەسىن العان بولاتىن.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات