گيننەس رەكوردتار كىتابىنا ەنگەن 201 كۇمبەزى بار مەشىت

None
None
نۇر-سۇلتان. قازاقپارات - بانگلادەشتە، جەرگىلىكتى تۇرعىنداردىڭ ايتۋىنشا، تۋريستەردى تارتۋعا كومەكتەسەتىن ەرەكشە مادەني كەشەن - ساۋلەتى وزگەشە مەشىت اشىلدى.

ارحيتەكتۋرالىق شەشىمى توسىن، ءتىپتى، گوتيكالىق ۇلگىدە سالىنىپ جاتقان مەشىتتەر بارىن بىلەسىزدەر. ديزاينى مەن ساۋلەتى تاڭداي قاقتىراتىن، كوز جاۋىن الاتىن مەشىت سالۋ سانگە اينالعان وسى زاماندا مۇنداي مەشىت تەك كۇمبەزىمەن عانا ەرەكشەلەنە مە؟

كەزىندە ازيانى اشسا - الاقانىندا، جۇمسا - جۇدىرىعىندا ۇستاعان موعولداردىڭ ءداستۇرلى ۇلگىسىندە تۇرعىزىلعان مۇسىلمانداردىڭ بۇل قۇلشىلىق ءۇيى بانگلادەشتىكتەردىڭ ماقتانىشى اينالعان. وسىناۋ عيبادات عيماراتىن سالۋعا اتسالىسقان رافيكۋل يسلامنىڭ ايتۋىنشا، مەرەكە- مەيرام كەزدەرىندە بۇل مەشىتكە 10 مىڭعا تارتا ادام كەلەدى.

«201 كۇمبەزدى مەشىت» اتالىپ كەتكەن مۇسىلمانداردىڭ قۇلشىلىق ءۇيى اتالعان ەلدىڭ تانگايل ولكەسىنە قاراستى وڭتۇستىك پاتحاليا ەلدى- مەكەنىندە اعىپ جاتقان دجحەناي وزەنىنىڭ جاعالاۋىندا بوي كوتەرگەن بولاتىن. ياعني، ەل استاناسى - داككي قالاسىنان 140 شاقىرىم قاشىق جاتقان بۇل مەشىتتە ءبىر مەزەتتە 30 مىڭ ادام ناماز وقي الادى. ونىڭ قۇرىلىسى 2013 -جىلدىڭ قاڭتار ايىندا باستالعان بولاتىن. اۋماعى اتشاپتىرىم - 2 گەكتار جەردى الىپ جاتىر.

رافيكۋل يسلام ءوزىنىڭ جەرىنە تۇرعىزعان بولاتىن. البەتتە، بۇل مەشىتتى تۇرعىزۋ ءۇشىن ءبىر ءوزىنىڭ جاعدايى كەلمەيدى. قايىرىمدىلىق قورىن اشىپ، ناتيجەسىندە 13 ميلليون دوللار جينالادى. بۇل مەشىت مۇناراسىنىڭ بيىكتىگىمەن دە ەرەكشەلەنەدى - 140 مەتر (55 قاباتتى ءزاۋلىم ءۇيدىڭ بيىكتىگىمەن پارا- پار). رافيكۋل بۇل مەشىتتى تۇرعىزباس بۇرىن الدىمەن الەمنىڭ ماڭدايالدى مەشىتتەرىن ءوز كوزىمەن كورىپ، ولاردىڭ ەرەكشەلىگىنە دەن قويعان بولاتىن. تۋريستەرگە قولايلى بولۋى ءۇشىن مەشىت جانىنان تىكۇشاق ۇشىپ-قوناتىن الاڭ جاساتقان ەدى.

بۇدان بولەك، مەشىت جانىنان قارتتار ءۇيى مەن بالالار ءۇيىن اشۋدى جوسپارلاپ وتىر. سونداي- اق، ايەلدەرگە ارنالعان قايىرىمدىلىق ەمحاناسى دا سالىنادى. مەشىت ساۋلەتشىسى مرينما ادحيكاري ەسىمدى ازامات. بۇل مەشىتتىڭ ءبىر قابىرعاسى لاتۋن پانەلىنەرن تۇرعىزىلعان - باستان-اياق قاسيەتتى قۇران سۇرەلەرىمەن جانە اياتتارىمەن ورنەكتەلگەن.
Ðак вÃ'глÃ'диÃ' меÃ'еÃ'Ã' Ã' 201 кÃ'полом, воÃ'едÃ'аÃ' в ÐнигÃ' Ã'екоÃ'дов ÐиннеÃ'а?


سوڭعى جاڭالىقتار