ب ۇ ۇ كليماتولوگتارىنىڭ ۇكىمى: 2019- جىل ەڭ ىستىق جىلداردىڭ ءبىرى بولدى

نۇر-سۇلتان. قازاقپارات - مەتەوباقىلاۋ جۇرگىزىلە باستالعان ۋاقىتتان بەرى 2019-جىل 2016-جىلدان كەيىن ەڭ ىستىق بولعان جىل رەتىندە تانىلدى.

بۇل تۋرالى بىرىككەن ۇلتتار ۇيىمى دۇنيەجۇزىلىك مەتەورولوگيالىق ۇيىمنىڭ (د م ۇ) رەسمي مالىمدەمەسىنە سۇيەنىپ حابارلادى.

وتكەن جىلى اۋا تەمپەراتۋراسى 1850-1900-جىلدارعا قاراعاندا C1,1° - قا جوعارى بولدى. اتموسفەراداعى پارنيكتىك گازداردىڭ كونتسەنتراتسياسىنىڭ رەكوردتى كورسەتكىشى جاعدايىندا بۇل ءۇردىس جالعاساتىنى كۇتىلەدى.

NASA- نى قوسا العاندا، بەس دەرەككوزدىڭ مالىمەتتەرىن تالداي كەلە، د م ۇ ساراپشىلارى سوڭعى بەس جىلدا جانە ونجىلدىقتا ورتاشا اۋا تەمپەراتۋراسى رەكوردتىق دەڭگەيگە جەتكەنى تۋرالى تۇجىرىمعا كەلدى. ونىمەن قوسا، 80-جىلداردان باستاپ كەلەسى ءاربىر ونجىلدىق ونىڭ الدىڭعىعا قاراعاندا جىلى بولعان.

«يندۋسترياعا دەيىنگى ءداۋىردىڭ اياعىنان باستاپ جاھاندىق ورتاشا اۋا تەمپەراتۋراسى C1,1° - قا كوتەرىلدى. ال مۇحيتتىڭ جىلىنۋى رەكوردتىق دەڭگەيگە جەتتى. س و 2 ەميسسياسىنىڭ قازىرگى ارتۋ قارقىنىندا عاسىر سوڭىندا تەمپەراتۋرا C3-5° كوتەرىلۋى مۇمكىن»، - دەپ حابارلادى د م ۇ باس حاتشىسى پەتتەري تاالاس.

ەسكە سالا كەتەيىك، پاريج كليماتتىق كەلىسىمىندە مۇشە مەملەكەتتەر اۋا تەمپەراتۋراسىنىڭ كوتەرىلۋىن C1,5° دەڭگەيىندە ۇستاپ تۇرۋعا مىندەتتەمە الدى. ولاي بولماعان جاعدايدا، عالىمدار ادامزات بالاسى اپاتتى جاعدايعا ۇشىراپ، پلانەتانىڭ كوپتەگەن بولىگى ەلسىز جەرگە اينالاتىنىن ەسكەرتەدى.

«2020-جىل 2019-جىلدان «ەستافەتانى» قابىلدادى جانە ول توتەنشە اۋا رايى قۇبىلىستارىنان باستالدى. 2019-جىلى اۆستراليادا بۇرىن-سوڭدى بولماعان قۇرعاق جانە ىستىق اۋا رايى تىركەلدى. بۇل، ورتتەردىڭ جاپپاي ورشۋىنە، ادامدارعا، جانۋارلارعا، بۇكىل ەكوجۇيەگە جانە جالپى قورشاعان ورتاعا اپات اكەلدى»، - دەدى پەتتەري تاالاس.