ەلوردادا 2019-جىلعى كونفەدەراتسيا كۋبوگىنىڭ جەرەبەسى تارتىلدى

نۇر-سۇلتان. قازاقپارات - ەلوردادا 2019-جىلعى كونفەدەراتسيا كۋبوگىنىڭ جەرەبەسى تارتىلدى، دەپ حابارلايدى Olympic.kz.

بيىلعى دودانىڭ ىرىكتەۋ كەزەڭدەرى 5-6- قازان كۇندەرى ورال قالاسىندا باستالىپ، 12-13- قازاندا قاراعاندىدا، 19-20- قازاندا قوستانايدا، 26-27- قازاندا اقتوبەدە جالعاسادى. جەرەبە ناتيجەسى بويىنشا 17 ءوڭىر كەلەسى توپتارعا ءبولىندى:

A توبى - اقتوبە وبلىسى، الماتى، اتىراۋ وبلىسى، پاۆلودار وبلىسى، اقمولا وبلىسى؛

B توبى - قوستاناي وبلىسى، س ق و، ش ق و، جامبىل وبلىسى؛

C توبى - قاراعاندى وبلىسى، تۇركىستان وبلىسى، شىمكەنت، نۇر-سۇلتان؛

D توبى – ب ق و، قىزىلوردا وبلىسى، ماڭعىستاۋ وبلىسى، الماتى وبلىسى؛

جارتىلاي فينال مەن فينالدىق كەزدەسۋلەر 7-8 - جەلتوقسان كۇندەرى الماتى قالاسىنداعى «بالۋان شولاق» اتىنداعى سپورت سارايىندا وتەدى.

بيىل جارىس باعدارلاماسىنا كاراتە-دو سپورت ءتۇرى ەندى. سونداي-اق، جۇلدە قورى 1, 2, 3-ورىن العان كوماندالار اراسىندا بولىنەدى. كونفەدەراتسيا كۋبوگىنىڭ جارىس باعدارلاماسىنا كەلەسى سپورت تۇرلەرى ەنگەن: بوكس، دزيۋدو، گرەك-ريم جانە ەركىن كۇرەس، تاەكۆوندو، قازاق كۇرەسى جانە كاراتە-دو.

جارىسقا بارلىق وڭىرلەر قاتىسادى.