08:31, 26 - تامىز 2019 | GMT +6
جىگىت سۇلتانى-2019: تۇركىستاندىق بالۋان تايىنشا كوتەرىپ، جۇرتتى تاڭعالدىردى
كوكپەكتى. قازاقپارات - شىعىس قازاقستان وبلىسى كوكپەكتى اۋدانىندا «رۋحاني جاڭعىرۋ» باعدارلاماسى اياسىندا كەشەدەن بەرى حالىقارالىق جىگىت سۇلتانى بايقاۋى ءوتىپ جاتىر، دەپ حابارلايدى Altaynews.kz.
بايقاۋدىڭ ءبىرىنشى كۇنى ۇلتتىق سپورتتان بەسسايىس ءوتتى. العاشقى كۇنگى قورىتىندى بويىنشا قاراعاندى، الماتى وبلىستارى مەن وسكەمەننەن كەلگەن قاتىسۋشىلار كوش باستاپ تۇر.
بۇگىن ونەر ءبولىمى باستالدى. ازىرگە تۇركىستان وبلىسىنان كەلگەن اكبار ەلۋباي ۇلى ەسىمدى بالۋان جىگىت تايىنشا كوتەرىپ، جۇرتتى تاڭعالدىرۋدا. ول سالماعى 120 كەلى تارتاتىن تايىنشانى 20 رەت كوتەردى.
ايتا كەتەيىك، اكبار وسىعان دەيىن ەكى رەت قوشقار كوتەرۋدەن رەكورد جاڭارتىپ، گيننەستىڭ رەكوردتار كىتابىنا ەنگەن. ول كەشەگى قازاقشا كۇرەستە دە ءبىرىنشى ورىن العان بولاتىن.