توقايەۆ قازاقستاننىڭ قارۋلى كۇشتەرىن حالىقارالىق اسكەري -2019 ويىندارداعى جەتىستىگىمەن قۇتتىقتادى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ حالىقارالىق اسكەري ويىنداردا جاقسى ونەر كورسەتكەنى قازاقستاننىڭ قارۋلى كۇشتەردىن قۇتتىقتادى، دەپ حابارلايدى قازاقپارات.

«حالىقارالىق اسكەري ويىنداردا جاقسى ونەر كورسەتكەنى ءۇشىن قازاقستاننىڭ قارۋلى كۇشتەرىن قۇتتىقتايمىن. سىزدەر جوعارى كاسىبي دايىندىق پەن جاۋىنگەرلىك شەبەرلىكتەرىڭىزدى كورسەتىپ، 39 كوماندانىڭ اراسىنان 3-ورىنعا يە بولدىڭىزدار. يگىلىكتى ىستەرىڭىزدە جاڭا جەتىستىكتەرگە جەتە بەرىڭىزدەر!»، دەپ جازدى مەملەكەت باسشىسى Twitter- دەگى پاراقشاسىندا.

بيىل حالىقارالىق ارميا ويىندارى 10 ەلدىڭ 21 پوليگونىندا، كاسپي، بالتىق تەڭىزدەرىنىڭ اكۆاتورياسىندا جانە پارسى بۇعازىندا ءوتتى. ويىندارعا 39 مەملەكەت قاتىستى. ويىننىڭ باعدارلاماسىنا 32 سايىس ەنگىزىلگەن. ونىڭ 16 سىندا قازاقستاندىق اسكەري قىزمەتشىلەر باق سىنادى.

7-15- تامىز ارالىعىندا جامبىل وبلىسىنىڭ «وتار» 40-اسكەري بازاسىندا ءبىرقاتار سايىس ءتۇرى بويىنشا ارميا حالىقارالىق ويىندارى ءوز مارەسىنە جەتتى. الەمنىڭ 13 ەلى قاتىسقان دودادا قازاقستان جەڭىمپاز اتاندى.

رەسەيدىڭ ماسكەۋ وبلىسىندا «الابينو» پوليگونى اۋماعىنداعى «پاتريوت» ساياباعىندا V حالىقارالىق ارميا ويىندارىنىڭ سالتاناتتى جابىلۋ ءراسىمى ءوتتى. وندا جالپى كوماندالىق ەسەپ بويىنشا جەڭىمپازدار مەن جۇلدەگەرلەر ماراپاتتالدى. جارىس قورىتىندىسىمەن قازاقستاننىڭ قارۋلى كۇشتەرى ءۇشىنشى ورىنعا تۇراقتادى.