+7 (701) 759 90 19 Лента
12 °С : نۇر-سۇلتان
16 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

ارميا حالىقارالىق ويىندارى-2019: قازاقستاندىقتار ءبىرىنشى ورىنعا يە بولدى

15 تامىز 16:55 60
:ءبولىسۋ
ارميا حالىقارالىق ويىندارى-2019: قازاقستاندىقتار ءبىرىنشى ورىنعا يە بولدى

الماتى-وتار. قازاقپارات - جامبىل وبلىسىنىڭ «وتار» 40-اسكەري بازاسىندا وتكەن ارميا حالىقارالىق ويىندارى ءوز مارەسىنە جەتتى.

الەمنىڭ 13 ەلى قاتىسقان دودادا قازاقستان جەڭىمپاز اتاندى، دەپ حابارلايدى قازاقپارات ءتىلشىسى.

«وتار» 40-بازا اۋماعىندا اسكەري ويىندار 7-15- تامىز ارالىعىندا ءوتتى. قاتىسۋشىلار «پيلوتسىز ۇشاتىن اپپارات ۇشىرۋ»، «ارتيللەريالىق وق اتۋ شەبەرلەرى»، «سەنىمدى قابىلداۋ» اتتى سايىستا باق سىنادى. ازەربايجان، ارمەنيا، بەلارۋس، ۆەنەسۋەلا، زيمبابۆە، مىسىر، يران، قىرعىزستان، رەسەي، سيريا، تاجىكستان، وزبەكستان جانە قىتاي اسكەري قىزمەتشىلەرى وزدەرىنىڭ شەبەرلىكتەرىن كورسەتتى.



قازاقستان قارۋلى كۇشتەرىنىڭ كومانداسى بارلىق ءۇش جارىستا ۇزدىك اتانىپ، التىن مەدالدارعا يە بولدى. سونىمەن، «سەنىمدى قابىلداۋ» اسكەري بايلانىسشىلار بايقاۋىندا قازاقستان كومانداسى جەڭىمپاز اتاندى، ەكىنشى ورىندى رەسەي مەن قىتاي، ءۇشىنشى ورىندى بەلارۋس جەڭىپ الدى.


سونداي-اق، سايىستا جوعارى كاسىبي شەبەرلىك كورسەتكەن ءبىرقاتار قاتىسۋشىلار جەكە نوميناتسيالار بويىنشا ماراپاتالدى. قازاقستان قۇراماسىنىڭ اسكەري قىزمەتشىسى سەرجانت نۇربول الدابەرگەنوۆ ۇزدىك راديوتەلەگرافيست اتاندى. ءبىزدىڭ توپتىڭ تاعى ءبىر وكىلى، كىشى سەرجانت ديدار سەيسەبايەۆ ەڭ جاقسى سپرينتەر جانە راديو باعىتىنداعى ەڭ جاقسى مامان اتاندى. بەلارۋس قۇراماسىنىڭ اعا لەيتەنانتى ەۆگەنيي بريل جارىستىڭ ۇزدىك مەرگەنى دەپ تانىلدى. راديو باعدارلامالارىن تاراتۋداعى ۇزدىك راديوتەلەگراف - قىتايدان كەلگەن كىشى سەرجانت حۋانگ شەنگە بۇيىردى.


پيلوتسىز ۇشاتىن اپپارات ۇشىرۋ بويىنشا قازاقستان ءبىرىنشى ورىنعا يە بولدى. ۇشۋ جىلدامدىعىنداعى جاتتىعۋلار ناتيجەسى بويىنشا كوماندا قارسىلاستارىنان وزىپ كەتتى جانە مارشرۋتتىڭ باقىلاۋ نۇكتەلەرىنەن ءوتۋ بارىسىندا ەڭ جاقسى ۋاقىتتى كورسەتتى. ەكىنشى ورىندى رەسەي مەن بەلارۋس، ءۇشىنشى ورىندى يران يەلەندى.


جەكە جارىستا پيلوتسىز ۇشاق ۇشىرۋ بويىنشا ۇزدىك وپەراتور اتاعى يراندىق كاپيتان موحاماد دەحگانعا بەرىلدى. بەلارۋس ەلىنەن كەلگەن اعا لەيتەنانت ۆلاديسلاۆ روستوۆسكي ۇزدىك مەرگەن اتاندى. رەسەي كاپيتانى دميتري پوسيەۆين پيلوتسىز ۇشاتىن اپپارات ۇشىرۋدىڭ ۇزدىك تەحنيگى اتاعىن يەلەندى.


اسكەري ويىنداردىڭ ەڭ ايشىقتى جارىستارىنىڭ ءبىرى - «ارتيللەريالىق وق اتۋ شەبەرلەرى» اتاعى بويىنشا قازاقستاندىق ساربازدار التىن مەدالمەن ماراپاتتالدى، رەسەي قۇراماسى كۇمىس مەدالمەن، ال وزبەكستان قۇرامالارى قولا مەدالعا قول جەتكىزدى.


قازاقستان كومانداسى ەڭ مىقتى مينومەنتشى اتاندى. قازىلار القاسىنىڭ شەشىمى بويىنشا ءبىزدىڭ جاۋىنگەر - گايبۋتدين ابدراحمانوۆ ۇزدىك دەپ تانىلدى. اعا سەرجانت ۆياچەسلاۆ ەمەليانوۆ (رەسەي) مينومەتتىڭ ەڭ جاقسى كومانديرى، سەرجانت فارۋح وديلوۆ (وزبەكستان) ۇزدىك مەحانيك، ال سەرجانت حيكمەت اتاكاشيەۆ (ازەربايجان) ۇزدىك اتقىش اتاعىنا يە بولدى.

ايتا كەتەرلىگى، قازاقستان ءتورت جىل قاتارىنان ءوز اۋماعىندا ويىندار وتكىزىپ كەلەدى. جىل سايىن ءبىزدىڭ ەلگە حالىقارالىق دەڭگەيدەگى شەبەرلىكتەرىن سىناۋ ءۇشىن ءارتۇرلى ەلدەر مەن قۇرلىقتاعى اسكەري ماماندار كەلەدى.


اتالعان ءۇش جارىستان بولەك، ءبىزدىڭ اسكەرلەر باسقا مەملەكەتتەردە وتەتىن 13 سايىسقا قاتىسادى. بارلىعى 32 ءدۇبىرلى دودانىڭ ىشىندە قازاقستاندىق اسكەري قىزمەتشىلەر 16 سپورت بويىنشا باق سىنايدى.


ارمي-2019 حالىقارالىق اسكەري ويىندارى 3- تامىزدا ر ف تەرريتورياسىندا «پاتريوت» كورمە كەشەنىندە باستالدى.

ر ف قارۋلى كۇشتەرىنىڭ باستاماسىمەن باستالعان حالىقارالىق ارميا ويىندارى بيىل 5 جىل قاتارىنان وتكىزىلىپ جاتىر. 5 جىلدا سايىستاردىڭ مازمۇنى كەڭەيىپ، ماڭىزى ارتا ءتۇستى. 32 سايىس بويىنشا 39 ەلدەن كەلگەن 220 اسكەري كوماندا جارىسقا تۇسەدى.


قازاقستان جارىستارعا ەڭ بەلسەندى قاتىسۋشىلاردىڭ بەستىگىنە كىرەدى. سونداي-اق، ارمەنيا، بەلارۋس، ازەربايجان، ءۇندىستاندا ءوتىپ جاتقان جارىستارعا قاتىسۋدا.


ەسكە سالايىق، «ارمي-2019» حالىقارالىق ارميا ويىندارىنىڭ اشىلۋ سالتاناتى 7- تامىزدا ق ر قورعانىس ءمينيسترى نۇرلان ەرمەكبايەۆتىڭ قاتىسۋىمەن ءوتتى.








باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات