عالىمدار: 2019 - جىلداعى ماۋسىم، تاريحتاعى ەڭ ىستىق اي

نۇر - سۇلتان. قازاقپارات - 2019 -جىلدىڭ ماۋسىم تاريحتاعى ەڭ ىستىق اي بولىپ سانالدى. بۇل تۋرالى گيدرومەتەورولوگيالىق ورتالىقتىڭ باسشىسى رومان ۆيلفاند جاريالادى دەپ حابارلايدى ريا نوۆوستي.

ونىڭ ايتۋىنشا، مۇنى ەكسپرەسس- تالداۋ جۇرگىزگەن ەكسپەرتتەردىڭ جۇمىسى ايقىنداعان. سونداي- اق، ۆيلفاند ءبىر جارىم ايدان سوڭ جاھاندىق كليمات جانە ەكولوگيا ينستيتۋتى ەگجەي- تەگجەيلى تالداۋ جۇرگىزەدى، ونىڭ قورىتىندىسى بويىنشا ماۋسىم ايى تاريحتاعى ەڭ ىستىق اي بولا الادى دەيدى.

ونىڭ الدىندا ۆيلفاند رەسەيدە شىلدە ايىندا تەمپەراتۋرا جوعارى دەڭگەيگە جەتەتىنىن نەمەسە اسۋعا دەيىن باراتىنىن ەسكەرتكەن بولاتىن. شىلدە ايىنىڭ ەكىنشى ونكۇندىگىنەن باستاپ رەسەي مەن ماسكەۋ ايماعىندا جازدىڭ اۋا- رايى ورناتىلادى. ورالدىڭ وڭتۇستىگىندە جانە باتىس ءسىبىردىڭ وڭتۇستىگىندە تەمپەراتۋرا ءبىرقالىپتى دەڭگەيدە بولادى دەپ بولجانۋدا. عالام بويىنشا كۇننىڭ ىسۋىنا بايلانىستى ەلدەگى اۋا- رايى دا وزگەرىپ وتىرادى.