13:20, 20 - ماۋسىم 2019 | GMT +6
قازاقستاندا 2019-جىلى جاستارعا قانشا پاتەر بەرىلەدى؟
نۇر-سۇلتان. قازاقپارات - ق ر پارلامەنتى پالاتالارىنىڭ بىرلەسكەن وتىرىسىندا ق ر اقپارات جانە قوعامدىق دامۋ ءمينيسترى داۋرەن ابايەۆ جاستار جىلىندا ىسكە اسىرىلاتىن جوبالار تۋرالى ايتىپ بەردى، دەپ حابارلايدى قازاقپارات ءتىلشىسى.
مينيستر بيىلعى جىل ەلباسىنىڭ شەشىمىمەن جاستار جىلى بولىپ جاريالانعانىن ەسكە سالدى.
وسى ورايدا اعىمداعى جىلى 89 جوبانى ىسكە اسىرۋ قاراستىرىلعان.
«اتاپ ايتقاندا، يندۋستريا جانە ينفراقۇرىلىمدىق دامۋ مينيسترلىگىمەن بىرلەسكەن جوبا بويىنشا جۇمىس ىستەيتىن جاستار ءۇشىن ءىرى قالالاردا ءبىر مىڭ پاتەر بەرىلەدى. «جاستار - ەل تىرەگى» جوباسى اياسىندا، «جاس مامان» جانە «جاس كاسىپكەر» جوبالارى اۋقىمىندا، ياعني ءبىلىم جانە عىلىم مينيسترلىگىمەن، ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسە وتىرىپ ءبىر ميلليونعا جۋىق جاس ازاماتتارىمىز قامتىلادى»، - دەدى مينيستر.
وسى ورايدا د. ابايەۆ اتالعان جوبالار اياسىندا جاستار بىلىكتىلىكتى ارتتىرۋ شارالارىمەن قامتىلاتىنىن، وزدەرىنىڭ بيزنەستەرىن اشۋ ءۇشىن شاعىن نەسيەلەر الاتىنىن اتاپ ءوتتى.