+7 (701) 759 90 19 Лента
21 °С : Нур-Султан
31 °С : الماتى
USD 384.06 EUR 429.19
RUB 6.08 CNY 55.83
جاڭالىقتار

ۇ ب ت-2019: مەكتەپ تۇلەكتەرى نەنى ءبىلۋى كەرەك؟

18 ماۋسىم 14:29 242
:ءبولىسۋ
ۇ ب ت-2019: مەكتەپ تۇلەكتەرى نەنى ءبىلۋى كەرەك؟

نۇر-سۇلتان. قازاقپارات - 20-30- ماۋسىم ارالىعىندا مەكتەپ تۇلەكتەرى ۇلتتىق ءبىرىڭعاي تەستىلەۋدەن وتەدى.

جىل باسىنان بەرى تەستىلەۋدى اقىلى نەگىزدە تاپسىرۋ مۇمكىندىكتەرى بەرىلىپ كەلگەنىمەن، وسى جولى مەملەكەتتىك گرانتقا تالاسى بار تۇلەكتەردىڭ سىنالار ءساتى كەلە جاتىر.

وسى رەتتە قازاقپارات ءتىلشىسى ۇ ب ت جايلى مەكتەپ تۇلەكتەرىنە پايدالى ءبىرشاما مالىمەتتى ءبولىسۋدى ءجون كورىپ وتىر.

جالپى، ۇلتتىق ءبىرىڭعاي تەستىلەۋ فورماتى وزگەرگەن جوق. ياعني، تاپسىراتىن پاندەر، سۇراقتار، ۇپاي سانى، ۋاقىتى بۇرىنعى فورماتتا. 20-30- ماۋسىم ارالىعىندا ۇ ب ت ەلىمىزدەگى 1188 اۋديتوريادا وتەدى. وعان قاتىسۋ ءۇشىن 117242 ادام ءوتىنىش بەرگەن. سونىڭ ىشىندە 96 مىڭنان استامى - وسى جىلعى مەكتەپ تۇلەكتەرى (مەكتەپ بىتىرۋشىلەردىڭ 72 پايىزى) بولسا، 20 مىڭنان استامى - بيىل جانە وتكەن جىلدارى كوللەدج بەن شەتەلدىك ءبىلىم بەرۋ ۇيىمدارىن بىتىرۋشىلەر.

بيىلدان باستاپ ۇ ب ت- نىڭ ءتورت رەت - قاڭتار، ناۋرىز، ماۋسىم جانە تامىز ايلارىندا وتكىزىلەتىنى بۇعان دەيىن حابارلانعان بولاتىن. قاڭتارداعى تەستىلەۋگە - 35 مىڭعا جۋىق، ال ناۋرىزدا - 80 مىڭداي وقۋشى قاتىسىپ ۇلگەرگەن. وسى ەكى ۇ ب ت- دا جالپى مەكتەپ بىتىرۋشىلەردىڭ 78 پايىزى قامتىلدى.

ونىڭ 70 پايىزى قازىردىڭ وزىندە اقىلى نەگىزدە وقۋعا تۇسە الادى. ەندى وسى وقۋشىلاردىڭ گرانتقا تۇسەم دەگەندەرى ماۋسىم ايىندا تەستىلەۋگە قاتىسىپ، ءوز ءبىلىمىن سىناۋعا مۇمكىندىگى بار.

ۇ ب ت تاپسىرۋ پۋنكتىلەرىندە ينتەرنەت بولمايدى

ءبىلىم جانە عىلىم مينيسترلىگىنەن حابارلانعانداي، رەسپۋبليكالىق دەڭگەيدە جانە ءاربىر ۇ ب ت وتكىزۋ پۋنكتىندە اپەللياتسيالىق كوميسسيا جۇمىس ىستەيدى. بارلىق اۋديتوريالار 100 پايىز (1188) ۇيالى تەلەفون سيگنالدارىن وشىرەتىن قۇرالدارمەن جانە باقىلاۋ بەينەكامەرالارىمەن جابدىقتالعان.

سونداي-اق جەدەل اقپارات الماسۋ ءۇشىن مينيسترلىكتىڭ جانە ۇلتتىق تەستىلەۋ ورتالىعىنىڭ call-ورتالىقتارى تۇراقتى تۇردە جۇمىس ىستەيدى. ۆەدومستۆودا حابارلانعانداي، تىيىم سالىنعان قۇرالدار مەن زاڭ بۇزۋشىلىقتار انىقتالعان جاعدايدا تەستىلەۋ ناتيجەسى جويىلادى.

ۇ ب ت كەزىندە مۇمكىندىگى شەكتەۋلى تۇلەكتەرگە قانداي جاعداي جاسالادى؟

ب ع م حابارلاعانداي، ەرەكشە ءبىلىم بەرۋ قاجەتتىلىگى بار وقۋعا تۇسۋشىلەرگە جەكە اۋديتوريا، سونداي-اق ۇ ب ت شەڭبەرىندە تاپسىرىلاتىن پاندەردىڭ مۇعالىمى ەمەس كومەكشى، ىمداۋ ءتىلىن بىلەتىن مامان بەرىلەدى.

بۇل ءۇشىن تەستىلەۋگە قاتىساتىن تۇلەك دەنساۋلىعى تۋرالى انىقتامانى ۇسىنىپ، ءوتىنىش بەرۋى قاجەت.

شەكتى بال بويىنشا وزگەرىستەر بار ما؟

ب ع م- نان حابارلانعانداي، جالپى شەكتى بال وزگەرگەن جوق. تەك «پەداگوگيكالىق عىلىمدار» سالاسى بويىنشا شەكتى بال بارلىق جوعارى وقۋ ورىندارى ءۇشىن 50 بالدان 60 بالعا كوتەرىلدى. بۇل - بولاشاق پەداگوگتاردى ساپالى ىرىكتەۋ باعىتىندا جاسالىپ وتىرعان شارا ەكەنىن اتاپ ءوتۋ كەرەك.

ال ەندى شەكتى بالعا ناقتىراق توقتالاتىن بولساق، ۇلتتىق جوعارى وقۋ ورىندارى ءۇشىن ۇ ب ت ناتيجەسى بويىنشا - كەمىندە 65 بال، «پەداگوگيكالىق عىلىمدار»، «اۋىل شارۋاشىلىعى جانە بيورەسۋرستار»، «ۆەتەريناريا» ءبىلىم سالالارى بويىنشا - كەمىندە 60 بال، باسقا ج و و- عا - كەمىندە 50 بال، «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» سالاسى بويىنشا - كەمىندە 65 بال، ونىڭ ىشىندە قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى - وقۋ ءتىلى بويىنشا كەمىندە 5 بال جانە ءار بەيىندىك پاننەن كەمىندە 5 بال الۋى قاجەت.

ال، قىسقارتىلعان وقۋ مەرزىمىمەن وقۋعا ءتۇسۋشى كوللەدج تۇلەكتەرى ءبىلىم گرانتىنىڭ كونكۋرسىنا قاتىسۋ ءۇشىن ۇ ب ت ناتيجەسى بويىنشا كەمىندە 25 بال، ونىڭ ىشىندە جالپى بەيىندىك ءپان بويىنشا - كەمىندە 5 بال الۋى ءتيىس.

تەستىلەۋدىڭ ناتيجەسىن قايدان كورۋگە بولادى؟

تەست تاپسىرمالارىنىڭ بازاسى جىل سايىن 30 پايىزعا جاڭارتىلادى. مەكتەپ تۇلەكتەرى مەن اتا- انالار مينيسترلىكتەن «سۇراقتاردىڭ ىشىندە گەننادي گولوۆكين مەن ديماش قۇدايبەرگەن تۋرالى ساۋالدار بولا ما؟» دەپ سۇراعان كورىنەدى.

الايدا ۇلتتىق ءبىرىڭعاي تەستىلەۋ ورتالىعى سۇراقتاردىڭ قازىرگى قازاقستاندىق تانىمال تۇلعالارعا قاتىسى جوقتىعىن العا تارتىپ وتىر. تەستىلەۋ ناتيجەسى ۇ ب ت تاپسىرۋ پۋنكتىلەرىندە سول كۇنى جاريالانادى.

سونىمەن قاتار، مينيسترلىكتىڭ ۇلتتىق تەستىلەۋ ورتالىعىنىڭ سايتىندا دا ج س ن ءنومىرىن تەرۋ ارقىلى نەمەسە @edugovkz_bot تەلەگرام بوتى ارقىلى تەستىلەۋ ناتيجەسىن كورۋگە بولادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات