سايلاۋ-2019: سادىبەك تۇگەل پرەزيدەنتتىككە ۇمىتكەر رەتىندە قۇجاتتارىن تاپسىردى

None
None
نۇر-سۇلتان. قازاقپارات - قازاقستان رەسپۋبليكاسىنىڭ پرەزيدەنتتىگىنە كانديدات رەتىندە سادىبەك تۇگەل ءتيىستى قۇجاتتارىن تاپسىردى، دەپ حابارلايدى قازاقپارات ق ر ورتالىق سايلاۋ كوميسسياسىنىڭ رەسمي سايتىنا سىلتەمە جاساپ.

2019-جىلعى 22- ساۋىردە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنىڭ 55-بابىنا سايكەس قازاقستان رەسپۋبليكاسىنىڭ ورتالىق سايلاۋ كوميسسياسىنا قازاقستان رەسپۋبليكاسىنىڭ پرەزيدەنتتىگىنە كانديدات رەتىندە س. تۇگەلدىڭ مىنا قۇجاتتارى ۇسىنىلدى:

1. «ۇلى دالا قىراندارى» رەسپۋبليكالىق قوعامدىق بىرلەستىگى جوعارى ورگاننىڭ قازاقستان رەسپۋبليكاسىنىڭ پرەزيدەنتتىككە كانديدات ۇسىنۋ جونىندەگى وتىرىسى حاتتاماسىنىڭ ءۇزىندىسى؛

2. تۇگەل سادىبەكتىڭ پرەزيدەنتتىككە كانديدات بولىپ داۋىسقا تۇسۋگە كەلىسىم بەرۋ جونىندەگى ءوتىنىشى؛

3. ءومىرباياندىق مالىمەتتەرى؛

4. قازاقستان رەسپۋبليكاسىنىڭ پرەزيدەنتتىگىنە كانديداتتىڭ قازاقستان رەسپۋبليكاسىنىڭ ورتالىق سايلاۋ كوميسسياسىنىڭ شوتىنا سايلاۋ جارناسىن ەنگىزگەنىن كۋالاندىراتىن قۇجاتتى؛

5. قازاقستان رەسپۋبليكاسىنىڭ پرەزيدەنتتىگىنە كانديداتتىڭ جەكە باسىن كۋالاندىراتىن قۇجاتتىڭ كوشىرمەسى؛

6. قازاقستان رەسپۋبليكاسىنىڭ پرەزيدەنتتىگىنە كانديداتتىڭ جوعارى ءبىلىم تۋرالى ديپلومدارىنىڭ كوشىرمەلەرى؛

7. مەملەكەتتىك قىزمەتتە نەمەسە سايلانبالى مەملەكەتتىك لاۋازىمداردا جۇمىس تاجىريبەسىنىڭ بولۋىن راستايتىن قۇجات ۇسىنىلدى.

سوڭعى جاڭالىقتار