+7 (701) 759 90 19 Лента
11 °С : استانا
9 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

سايلاۋ-2019: مىرزاتاي جولداسبەكوۆ لينگۆيستيكالىق كوميسسيا ءتوراعاسى بولدى

22 ءساۋىر 13:43 240
:ءبولىسۋ
سايلاۋ-2019: مىرزاتاي جولداسبەكوۆ لينگۆيستيكالىق كوميسسيا ءتوراعاسى بولدى

نۇر-سۇلتان. قازاقپارات - ق ر پرەزيدەنتتىگىنە كانديداتتاردىڭ مەملەكەتتىك ءتىلدى مەڭگەرۋ دەڭگەيىن انىقتايتىن لينگۆيستيكالىق كوميسسيا ءتوراعاسى سايلاندى، دەپ حابارلايدى قازاقپارات ءتىلشىسى.

بۇل قىزمەتكە فيلولوگيا عىلىمدارىنىڭ دوكتورى، پروفەسسور، ق ر ۇ ع ا اكادەميگى، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى تۇركولوگيا كافەدراسىنىڭ مەڭگەرۋشىسى مىرزاتاي جولداسبەكوۆ لايىق دەپ تانىلعان.

«وزدەرىڭىز بىلەسىزدەر، كونستيتۋتسيالىق كەڭەس شەشىمىنە سايكەس، ورتالىق سايلاۋ كوميسسياسى لينگۆيستيكالىق كوميسسيا قۇردى. ونىڭ قۇرامىنا ەلىمىزگە بەلگىلى ازاماتتار ەندى. بۇگىن ءبىرىنشى ءماجىلىسىمىزدى وتكىزىپ، سىناق تالاپتارىن پىسىقتادىق. جاسىم ۇلكەن، جولىم ۇلكەن دەدى مە، كوميسسيا ءتوراعاسى رەتىندە ءبىراۋىزدان مەنى سايلادى. كوميسسيا حاتشىسى قىزمەتىنە پروفەسسور گۇلتاس قۇرمانباي بەكىتىلدى»، - دەدى لينگۆيستيكالىق كوميسسيا ءتوراعاسى مىرزاتاي جولداسبەكوۆ ورتالىق سايلاۋ كوميسسياسىندا وتكەن بريفينگتە.

ايتا كەتەيىك، 2019-جىلدىڭ 9- ماۋسىمىندا ەلىمىزدە كەزەكتەن تىس پرەزيدەنتتىك سايلاۋ وتەدى.

19- ساۋىردە ق ر ورتالىق سايلاۋ كوميسسياسى جانىنان پرەزيدەنتتىككە ۇمىتكەرلەردىڭ مەملەكەتتىك ءتىلدى مەڭگەرۋ دەڭگەيىن انىقتايتىن لينگۆيستيكالىق كوميسسيا قۇرىلدى. ونىڭ قۇرامىنا مىرزاتاي جولداسبەكوۆ، ءادىل احمەتوۆ، عاريفوللا ەسىم، سەرىك قاسقاباسوۆ، گۇلتاس قۇرمانباي، ەردەن قاجىبەك ەندى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات