ءبىلىم گرانتتارى 2019-جىلى قالاي تاعايىندالادى؟
ءبىلىم بەرۋ گرانتتارى ءبىلىم بەرۋ باعدارلامالارىنىڭ توپتارى بويىنشا بەيىندىك پاندەر كومبيناتسياسىنا سايكەس بولىنەتىن بولادى.
ءبىلىم بەرۋ باعدارلامالارىنىڭ توبىنا جوعارى وقۋ ورنىنىڭ ءبىر نەمەسە بىرنەشە ءبىلىم بەرۋ باعدارلامالارى كىرەدى. بارلىعى 97 ءبىلىم بەرۋ باعدارلامالارىنىڭ توبى بار.
بەيىندىك پاندەر كومبيناتسياسى سايكەس كەلگەن جاعدايدا، سىزگە ءبىلىم بەرۋ گرانتىن تاعايىنداۋ كونكۋرسىندا تورتكە دەيىن ءبىلىم بەرۋ باعدارلامالارىنىڭ توبىن تاڭداۋ مۇمكىندىگى بەرىلەدى.
مىسالى، «بيولوگيا» + «حيميا» بەيىندىك پاندەر كومبيناتسياسىمەن ءسىز:
1) «حيميا مۇعالىمدەرىن دايارلاۋ»؛
2) «بيولوگيالىق جانە ساباقتاس عىلىمدار»؛
3) «ۆەتەريناريا»؛
4) «جالپى مەديتسينا» سياقتى ءبىلىم بەرۋ باعدارلامالارى توپتارىن تاڭداي الاسىز.
ەگەر ءسىز شىعارماشىلىق دايارلاۋدى تالاپ ەتەتىن ءبىلىم بەرۋ باعدارلاماسى توبىن تاڭداساڭىز، ءبىلىم بەرۋ گرانتىن تاعايىنداۋ كونكۋرسىندا سىزگە ءبىر ءبىلىم بەرۋ باعدارلامالارىنىڭ توبىن تاڭداۋ مۇمكىندىگى بەرىلەدى.
مىسالى، «شىعارماشىلىق ەمتيحان» + «شىعارماشىلىق ەمتيحان» كومبيناتسياسىمەن ءسىز «باستاپقى اسكەري دايىندىق مۇعالىمدەرىن دايارلاۋ» سياقتى ءبىر ءبىلىم بەرۋ باعدارلامالارىنىڭ توبىن تاڭداي الاسىز.
ءبىلىم بەرۋ باعدارلامالارى توپتارىنىڭ ءتىزىمى ۇلتتىق تەستىلەۋ ورتالىعىنىڭ سايتىندا جاريالانعان (https://www.testcenter.kz/ru/entrants/ent/index.php).
ءبىلىم بەرۋ باعدارلامالارى توپتارى بولىنىسىندەگى گرانتتار سانى بەكىتىلگەننەن كەيىن جوعارى وقۋ ورىندارى ىسكە اسىراتىن ءبىلىم بەرۋ باعدارلامالارىنىڭ تىزىلىمىنە سىلتەمە جاساي وتىرىپ، ق ر ب ع م جانە ۇلتتىق تەستىلەۋ ورتالىعىنىڭ سايتتارىندا ورنالاستىرىلاتىن بولادى.
ءسىز گرانت يەگەرى بولا وتىرىپ، جوعارى وقۋ ورنىنا قابىلداۋ كەزىندە ءبىلىم بەرۋ باعدارلامالارىنىڭ ءتيىستى توبىنان ناقتى ءبىلىم بەرۋ باعدارلاماسىن تاڭدايسىز.
مىسالى، «حيميا مۇعالىمدەرىن دايارلاۋ» ءبىلىم بەرۋ باعدارلامالارىنىڭ توبى بويىنشا گرانت يەگەرى بولا وتىرىپ، جوعارى وقۋ ورنىنا قابىلداۋ كەزىندە ءسىز «حيميا» نەمەسە «حيميا-بيولوگيا» بويىنشا ءبىلىم بەرۋ باعدارلاماسىن تاڭداي الاسىز.