قىتاي ەكونوميكاسىنىڭ دامۋى 2019 -جىلى باسەڭدەيدى
الايدا ساراپشىلار دوڭىز جىلى قىتاي ءۇشىن تاۋەكەلگە تولى بولادى دەگەن بولجام جاساپ وتىر. ال قىتاي ۇكىمەتىنىڭ ەكونوميكانى تۇراقتاندىراتىن مۇمكىندىگى بار ما؟ قازىر قىتاي مەن ا ق ش اراسىنداعى جاعداي مىڭ قۇبىلىپ تۇر. سوندىقتان بولجام بويىنشا الەمدەگى ەكىنشى ءىرى ەكونوميكانىڭ ەكسپورتى بيىل تومەندەيدى. ءبىراق مەملەكەت دامۋ قارقىنىن ساقتاپ قالۋعا بارىنشا تىرىسادى. ساراپشىلار ۇكىمەتتىڭ قازىنالىق شىعىنداردى ارتتىرىپ، سالىقتى ازايتۋ رەفورمالارى بىرتىندەپ ناتيجە بەرەدى دەپ پايىمداپ وتىر.
بۇل الدىمەن ىشكى سۇرانىستى تۇراقتاندىرۋعا جاعداي جاسايدى. ماسەلەن، بىلتىر ءتۇسىپ كەتكەن كولىك ساۋداسى قايتا جاندانۋى ىقتيمال. ەكونوميستەر قىتايدىڭ 2019 -جىلى ج ءى ءو 6,1 پروتسەنت دەڭگەيىندە بولادى دەپ تۇسپالدايدى.
ۋاڭ تاۋ، UBS باس ەكونوميسى:
- مەنىڭشە 2019 -جىلى دا ەكىۇشتىلىق پەن داۋ-داماي جالعاسادى. مۇنداي جاعدايدا مەملەكەت بيزنەس پەن ينۆەستورلاردىڭ سەنىمىن جوعالتادى. تۇراقسىزدىق جۇمىسپەن قامتۋعا ال ول، ءوز كەزەگىندە، ىشكى تۇتىنۋعا كەرى اسەرىن تيگىزەدى. تاعى ءبىر ماسەلە ا ق ش جوعارعى تەحنولوگيا ونىمدەرى مەن وسى سالاعا قىتايدان كەلەتىن ينۆەستيسيالارعا ەكسپورتتىق شەكتەۋىن كۇشەيتە ءتۇسۋى مۇمكىن.
ال Morgan Stanley-دىڭ باس ەكونوميسى روبين سيننىڭ ايتۋىنشا سىرتقى جاعدايلاردىڭ قىتاي ەكونوميكاسىنا كەرى اسەرى ساقتالادى. دەگەنمەن ۇكىمەت بۇل جاعدايدى قاتاڭ قاداعالاپ، ۇنەمى تۇزەتۋلەر جاساپ وتىر. سيننىڭ سوزىنشە، 2019 -جىلى قىتايدىڭ دامۋى الدىمەن باياۋلاپ، ودان سوڭ 6,3 پروتسەنت دەڭگەيىندە تۇراقتالۋى ءتيىس.
روبين سين، Morgan Stanley باس ەكونوميسى:
- ءبىزدىڭ ويىمىزشا ءوسۋ قارقىنى باسەڭدەپ، كەيىن تۇراقتالادى. ءبىرىنشى توقساندا الەمدىك سۇرانىستىڭ ازايىپ، ەل ىشىندەگى تۇتىنۋشىلاردىڭ بەلسەندىلىگى تومەن بولادى دا ج ءى ءو 6,1- 6,2 پروتسەنتكە تۇسەدى. ءبىراق ەكىنشى توقساندا سالىقتى تومەندەتۋ رەفورمالارى ءوز ناتيجەسىن بەرىپ، 6,3 پروتسەنتكە تۇراقتالادى.
ەكونوميكا ءوسىمىنىڭ باسەڭدەۋى - بەيجىڭدى الاڭداتاتاتىن باستى ماسەلەنىڭ ءبىرى. قىتاي الەمدە ا ق ش- تان كەيىنگى ەكىنشى ءىرى ەكونوميكا سانالادى. سوندىقتان ونىڭ ج ءى ءو باياۋ دامۋى الەمدىك ەكونوميكاعا دا كەرى اسەرىن تيگىزەدى.