م ءا م س: 2019-جىلى كىم، قالاي جانە قانشا جارنا تولەيدى؟

None
None
استانا. قازاقپارات - استانالىقتار ەندى مەديتسينالىق ساقتاندىرۋ جارناسىن ىڭعايلى دا ۇنەمدى جولمەن تولەي الادى.

بۇل تۋرالى «الەۋمەتتىك مەديتسينالىق ساقتاندىرۋ قورى» ك ە ا ق- نىڭ ەلوردالىق فيليالىنان ءمالىم ەتتى، دەپ حابارلايدى قازاقپارات.

ءبىرىڭعاي جيىنتىق تولەمدى كىمدەر جانە قانشا تولەيدى؟

2019-جىلدىڭ قاڭتار ايىنان باستاپ ەلىمىزدە جاڭا تولەم جۇيەسى - ءبىرىڭعاي جيىنتىق تولەم جۇيەسى (ب ج ت) ەنگىزىلدى. ول ءتورت ءتۇرلى تولەمدى - جەكە تابىس سالىعى، مىندەتتى زەينەتاقى جارناسى، مەديتسينالىق جانە الەۋمەتتىك ساقتاندىرۋ قورىنا جاسالاتىن جارنالاردى بىرىكتىرەدى. ءبىرىڭعاي جيىنتىق تولەم جۇيەسى قارماعىنا جۇمىسكەر الماي، تابىس تابۋ ماقساتىندا جەكە تۇلعالارعا قىزمەت كورسەتەتىن ازاماتتارعا ارنالعان. ياعني، وسى تولەم جۇيەسىمەن جارنا تولەۋ ارقىلى ەلوردالىق ءوزىن-ءوزى قامتۋشىلار دا مىندەتتى الەۋمەتتىك مەديتسينالىق ساقتاندىرۋ جۇيەسىنە قاتىسۋعا مۇمكىندىك الادى. وسىلايشا، ازاماتتار ۋاقىتى مەن قارجىسىن ۇنەمدەپ قانا قويماي، بولاشاقتا جەكە باسىنا قاجەتتى تولەمدەردەن قول ۇزبەيدى.

ب ج ت مولشەرى: رەسپۋبليكالىق ماڭىزى بار قالالار ءۇشىن - 1 ا ە ك؛ باسقا ەلدى مەكەندەر (اۋدان، اۋىل، ت. ب.) ءۇشىن - 0,5 ا ە ك.

اعىمداعى جىلى جارنا مولشەرى قانداي بولماق؟

2019-جىلى ەلوردالىق جۇمىس بەرۋشىلەر ءوز قاراجاتى ەسەبىنەن جۇمىسكەر ءۇشىن ونىڭ تابىسىنىڭ %1,5 مولشەرىندە جارنا اۋدارادى. تولەم بويىنشا شەكتەۋ دە بار ەكەنىن ەسكەرۋ كەرەك: ەگەر ازامات ەڭ تومەنگى جالاقى كورسەتكىشىنىڭ 10 ەسەلەنگەن مولشەرىنەن جوعارى سومادا ايلىق الاتىن بولسا، تەك ەڭ تومەنگى 10 جالاقى كورسەتكىشىنەن عانا جارنا تولەنەدى.

2020-جىلدان جۇمىس بەرۋشىلەر مەن باسقا دا ازاماتتار قانشا تولەيدى؟

استانا قالاسىنداعى جۇمىس بەرۋشىلەر ءوز جۇمىسكەرلەرى ءۇشىن جارنا اۋدارۋدى جالعاستىرا بەرەدى. 2020-جىلدان باستاپ ولار ءوز قاراجاتى ەسەبىنەن جۇمىسكەر ءۇشىن ونىڭ تابىسىنىڭ %2 مولشەرىندە جانە جۇمىسكەر قاراجاتى ەسەبىنەن ونىڭ تابىسىنىڭ %1 مولشەرىندە جارنا اۋدارادى.

جەكە كاسىپكەرلەر ءوزى ءۇشىن ءتيىستى قارجىلىق جىلداعى ەڭ تومەنگى جالاقى 1,4 ەسە مولشەرىنەن %5 جارنا تولەيدى.

ال مەملەكەت 2020-جىلدان باستاپ حالىقتىڭ 13 ساناتى ءۇشىن جارنا اۋدارادى. ولار: بالالار، زەينەتكەرلەر، ونىڭ ىشىندە ۇلى وتان سوعىسىنىڭ قاتىسۋشىلارى مەن مۇگەدەكتەرى، كوپبالالى انالار، جۇمىس ىستەمەيتىن جۇكتى ايەلدەر، بالا كۇتىمىنە بايلانىستى دەمالىستاعى انالار، مۇگەدەكتەر جانە مۇگەدەك بالالارعا كۇتىم جاسايتىن ادامدار، تىركەلگەن جۇمىسسىزدار، جۇمىس ىستەمەيتىن ورالماندار، ستۋدەنتتەر، ينتەرنات تاربيەلەنۋشىلەرى، تەرگەۋ يزولياتورلارىنداعىلار مەن تۇرمەدەگىلەر.

مەديتسينالىق ساقتاندىرۋ قورىنا ءوز بەتىمەن جارنا اۋداراتىندار، ياعني رەسمي تۇردە ەش جەردە تىركەلمەگەندەر، 2020-جىلدان باستاپ اي سايىن ەڭ تومەنگى جالاقى كورسەتكىشىنىڭ %5

مولشەرىندە جارنا تولەيدى.

مەديتسينالىق ساقتاندىرۋ قورىنا كەلىپ تۇسكەن قارجى، ءوز كەزەگىندە استانا قالاسىنداعى ەمدەۋ مەكەمەلەرى كورسەتكەن مەديتسينالىق قىزمەتتەر اقىسىن تولەۋگە جۇمسالادى.

سوڭعى جاڭالىقتار