11:19, 13 - قاڭتار 2019 | GMT +6
موڭعوليادا «تۇيە وسىرۋشىلەر -2019» فەستيۆالى ۇيىمداستىرىلدى
ۇلانباتىر. قازاقپارات - موڭعوليادا ۋۆۋرحانگاي ايماعى تۇيە وسىرۋشىلەر قاۋىمداستىعى ارۆايحەەر قالاسىندا «تۇيە وسىرۋشىلەر -2019 فەستيۆالىن ۇيىمداستىردى، دەپ حابارلايدى مونتسامە.
موڭعولداردىڭ كوشپەلى ءومىرىن دارىپتەيتىن بۇل فەستيۆالگە بوگد، بارۋۋنبايان- ۋلاان، تۋگرۋگ، گۋچين-ۋس، سانت، بايانگول جانە حايرحاندۋلاان سوموندارىنان كەلگەن 200 دەن استام تۇيە ءوسىرۋشى قاتىستى.
اتالعان شارا كەزىندە كوڭىل كوتەرەتىن ويىندار جانە ءتۇرلى قاشىقتىقتاردا تۇيەلەر جارىسى ۇيىمداستىرىلدى.
سونداي-اق ءبىرقاتار نوميناتسيالار بويىنشا جۇيرىك تۇيەلەر انىقتالدى.
تۋگرۋگ سومونىنان تس. مۋنحباتانىڭ، د. شييرەۆسامبۋۋ گۋچين- ۋس سومونىنان د. شييرەۆسامبۋۋدىڭ باپتاعان تۇلىكتەرى «اسىل تۇقىمدى تۇيە» نوميناتسياسى بويىنشا جىلدىڭ جۇيرىك تۇيەلەرى اتاندى.
سونداي-اق شارا اياسىندا 6 مالشىعا «ەڭبەك سىڭىرگەن تۇيە ءوسىرۋشى» اتاعى بەرىلدى.