وش 2019 -جىلى تۇركى الەمىنىڭ مادەني استاناسى بولىپ جاريالاندى

None
None
استانا. قازاقپارات - قىرعىزستانداعى وش قالاسى 2019 - جىلى تۇركى الەمىنىڭ مادەني استاناسى بولىپ جاريالاندى، دەپ حابارلايدى قازاقپارات تۇركسوي ۇيىمىنىڭ سايتىنا سىلتەمە جاساپ.

مۇنداي شەشىم تۇركيانىڭ كاستامون قالاسىندا وتكەن تۇركسوي ەلدەرى مادەنيەت مينيسترلەرى تۇراقتى كەڭەسىنىڭ 36- وتىرىسىندا قابىلداندى. تۇركيا مادەنيەت جانە تۋريزم ءمينيسترى مەحمەت نۋري ەرسوي تۇركسوي ەلدەرى مادەنيەت مينيسترلەرى تۇراقتى كەڭەسىنىڭ كەزەكتى وتىرىسىنىڭ وش قالاسىندا وتەتىنىن حابارلادى.

null

تۇركسوي باس حاتشىسى دۇيسەن قاسەيىنوۆ ۇيىمنىڭ اتقارىپ وتىرعان جالپى جۇمىستارى تۋرالى ايتتى.

 «تۇركسوي- دىڭ 25 جىلدىق قىزمەتى ناتيجەسىندە مادەنيەت جانە ونەر سالاسىنداعى كوپتەگەن اۋقىمدى جوبالار مەن ءىس- شارالار ءبىزدىڭ ۇيىمنىڭ اتىمەن اسسوتسياتسيالانا باستادى. ۇيىمعا مۇشە- ەلدەرى مادەنيەت مينيسترلەرى تۇراقتى كەڭەسىنىڭ 36 وتىرىسى ءوتتى. سۋرەتشىلەردىڭ، فوتوسۋرەتشىلەردىڭ، ادەبيەتشىلەردىڭ، ارتىستەردىڭ، كومپوزيتورلاردىڭ جانە باسقا دا ونەر يەلەرىنىڭ ءداستۇرلى كەزدەسۋلەرى بەلسەندى تۇردە وتكىزىلىپ كەلەدى»، - دەدى دۇيسەن قاسەيىنوۆ.

null

وتىرىس قاتىسۋشىلارى كۇن تارتىبىندەگى ماسەلەلەردى تالقىلاپ، سونىڭ اياسىندا تۇركى الەمىنىڭ 2019 -جىلعى جاڭا مادەني استاناسى انىقتالدى.

 ەسكە سالساق، تۇركيانىڭ كاستامونۋ قالاسىنىڭ 2018 -جىلعى تۇركى دۇنيەسىنىڭ مادەني استاناسى بولىپ جاريالانۋىنا بايلانىستى سالتاناتتى شارا وتكەنى تۋرالى جازعان بولاتىنبىز.

سوڭعى جاڭالىقتار