08:58, 06 - جەلتوقسان 2018 | GMT +6
بوكستان 2019-جىلعى الەم چەمپيوناتىنىڭ قايدا وتەتىندىگى بەلگىلى بولدى
استانا. قازاقپارات - بوكستان ەرلەر اراسىنداعى الەم چەمپيوناتى 2019-جىلى قىركۇيەكتە ەكاتەرينبۋرگتە (رەسەي) وتەدى، دەپ حابارلايدى «SPORTINFORM».
جارىستىڭ نەگىزگى الاڭى «ەكاتەرينبۋرگ-ەكسپو» كورمە ورتالىعى بولاتىندىعى كۇتىلۋدە. جەكپە-جەكتەر دە وسىنداعى بىرنەشە مىڭ ادام سياتىن كونگرەسس ورتالىعىندا وتەدى.
ەسكە سالا كەتسەك، 2013-جىلى الەم چەمپيوناتىن الماتى قابىلداعان ەدى. ال سوڭعى تۋرنير 2017-جىلى گامبۋرگتە (گەرمانيا) ءوتتى.