قازاقستاندا 2019-جىلدىڭ قاڭتارىنان باستاپ قانداي جولدار اقىلى بولادى؟
بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا «نۇرلى جول» باعدارلاماسىن ىسكە اسىرۋ ماسەلەلەرى جونىندە بايانداعان ق ر ينۆەستيتسيالار جانە دامۋ ءمينيسترى جەڭىس قاسىمبەك ايتتى، دەپ حابارلايدى قازاقپارات ءتىلشىسى.
«اقىلى اۆتوجولداردى دامىتۋ بويىنشا بيىل قازان ايىندا ىشكى ىستەر مينيسترلىگىنىڭ جۇيەلەرىمەن ينتەگراتسيالانعان الماتى-قاپشاعاي، الماتى-قورعاس جانە استانا-تەمىرتاۋ ۋچاسكەلەرىندە اقى الۋ جۇيەلەرى تەستتىك پايدالانۋعا ەنگىزىلدى. كەلەسى جىلى قاڭتار ايىنىڭ ەكىنشى جارتىسىندا اقى الۋدى باستاۋ جوسپارلانۋدا»، - دەدى مينيستر.
ونىڭ اتاپ وتۋىنشە، مۇنان بولەك، 5,9 مىڭ شاقىرىمدا، سونىڭ ىشىندە «باتىس ەۋروپا - باتىس قىتاي» حالىقارالىق دالىزىندە اقى الۋ جۇيەسىن سالۋ بويىنشا جوبالىق-سمەتالىق قۇجاتتامانى ازىرلەۋ جۇمىستارى جۇرگىزىلىپ جاتىر. تولەمدەردى جيناۋ جۇيەسىن مونتاجداۋدى كەلەسى جىلدان باستاۋ جوسپارلانعان.
«جالپى، 2020-جىلعا قاراي ۇزاقتىعى شامامەن 6,6 مىڭ شاقىرىم جولدا تولەم الۋ جۇيەسى قوسىلادى. سونىمەن قاتار، بيىل جەلتوقسان ايىندا شىمكەنت پەن سارىاعاشتىڭ اينالمالى جولدارىنىڭ قۇرىلىسىن سالۋعا جانە سارىاعاشتان وزبەكستان رەسپۋبليكاسىنىڭ شەكاراسىنا دەيىنگى ۋچاسكەنى قايتا جاڭعىرتۋعا كونتسەسسيالىق نەگىزدە كونكۋرس جاريالاۋ جوسپارلانۋدا. قۇرىلىس جۇمىستارىن 2020-جىلى باستاۋ جوسپارلانىپ وتىر»، - دەدى جەڭىس قاسىمبەك.