ۋنيۆەرسيادا-2019: وتانداسىمىز 400 مەترگە جۇگىرۋدەن تاعى ءبىر جۇلدەنى جەڭىپ الدى

نۇر-سۇلتان. قازاقپارات - ميحايل ليتۆين نەاپولدا ءوتىپ جاتقان جازعى ۋنيۆەرسيادا ويىندارىندا كۇمىس جۇلدەگەر اتاندى، دەپ حابارلايدى Olympic.kz.

400 مەترگە جارىسقان جەلاياقتار اراسىنان ليتۆين مارەگە ەكىنشى بولىپ كەلدى. قازاقستاندىق جەڭىل اتلەت اتالعان قاشىقتىقتى 45.77 سەكۋندتا جۇگىرىپ وتكەن. التىن مەدال مەكسيكالىق ۆالەنتە مەندوساعا (45.53) بۇيىرسا، قولانى وڭتۇستىك افريكا رەسپۋبليكاسىنىڭ وكىلى گاردەل ەدۆارد يساكس (45.89) يەلەندى.

ەسكە سالا كەتەيىك، قازاقستاندىق سپورتشىلار ۋنيۆەرسيادا ويىندارىندا ءبىر التىن، ءتورت كۇمىس جانە ءبىر قولا مەدال جەڭىپ الدى. دزيۋدوشى عالىمجان قىرىقباي چەمپيون اتانسا، گيمناستار ناريمان كۋربانوۆ پەن ميلاد كاريمي جانە ستەند اتۋشى زويا كراۆچەنكو مەن جەڭىل اتلەت ميحايل ليتۆين كۇمىس ەنشىلەدى. ستەند اتۋدان قولا جۇلدەنى سارسەنكۇل رىسبەكوۆا يەلەنگەن.