مەكتەپ وقۋشىلارى 2019-2020 وقۋ جىلىندا نەشە كۇن دەمالادى؟

نۇر-سۇلتان. قازاقپارات – ق ر ءبىلىم جانە عىلىم مينيسترلىگى 2019-2020 وقۋ جىلىنداعى كانيكۋل كەزەڭدەرىن جاريالادى، دەپ حابارلايدى قازاقپارات.

ق ر ب ع م 2019-جىلعى 29- شىلدەدەگى «ورتا ءبىلىم بەرۋ ۇيىمدارىندا 2019-2020- وقۋ جىلىنىڭ باستالۋىن، ۇزاقتىعىن جانە كانيكۋل كەزەڭدەرىن ايقىنداۋ تۋرالى» 337№ بۇيرىعىنا سايكەس تومەندەگى مەرزىمدەر انىقتالدى: 2019-2020 وقۋ جىلىنىڭ ۇزاقتىعى 1-سىنىپتاردا - 33 وقۋ اپتاسى، 2-11 (12) - سىنىپتاردا - 34 وقۋ اپتاسى.

كۇزگى كانيكۋل – 28- قازاننان 3- قاراشانى قوسا العاندا 7 كۇن. قىسقى كانيكۋل – 30- جەلتوقسان مەن 8- قاڭتار ارالىعىندا 10 كۇن بولماق. جانە 1- سىنىپ وقۋشىلارىنا 3-9- اقپاندا قوسىمشا 7 كۇن دەمالىس بەرىلەدى.

كوكتەمگى دەمالىس – 21- ناۋرىزدان 2- ءساۋىردى قوسا العاندا 13 كۇنگە سوزىلادى. جانە وقۋ جىلى 2020-جىلدىڭ 25- مامىرىندا اياقتالادى.